Yosua 9:4 - Alkitab Duri

^4-5 Napugaukmi to akkattana nnakkalanni Yosua. Nnalami karung maluse bangmo sola sepu' kuli' ngenan anggoro' to dikarempumora napade'i keledai. Na mpukinallo roti makase to bulu manukan bangmo, na ia to sapatu napake ditampih-tampih bang toomo sola mangpakean simaluse toomo.

Yosua 9:4 ပူးပေါင်းရင်းမြစ်များ

Matius 10:16

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Matius 9:17

Te'da tau mpatama anggoro' baru tama pangpanian malusemo, to dikabua' jio mai balulang, nasaba' ia namangkamburamo, tiba'tui joo pangpanian malusemo, natibaku to anggoro'. Jaji la sajang duai to anggoro' sola pangpanianna. Ia to anggoro' baru la dipatama todapi ia pangpanian baru, dikua nasalama' joo anggoro' sola pangpanianna.”

Markus 2:22

Susi toomi joo, te'da tau mpatama anggoro' baru tama pangpanian malusemo, to dikabua' jio mai balulang. Nasaba' ia namangkamburamo joo anggoro', tiba'tui joo pangpanian malusemo. Katampakanna, la sajang dua, joo anggoro' sola pangpanianna. Ia joo anggoro' baru, la dipatama todapi pangpanian baru!”

Lukas 16:8

Ia tonna sa'dingmi tosugih to apa napugauk joo pangjama tangmaruruh, napujii nasaba' maccai mangngakkalan. Nasaba' ia to tolino tangnturu' Puang Allataala, la'bih macca ia lako padanna rupa tau, na ia to tonturu'mo Puang Allataala.”

Yosua 9:12

Takita bangmi tee roti kipukinallo, ia tongkimane' ke'deh jio mai kampongki' malussu bangpa, na ia too makasemi nabulu manukan toomo.

Yosua 9:13

Takita toomi to sepu' kuli' anggoro' baru unapa tongkimane' ke'deh jio mai kampongki', apa ca'ce-ca'cemi too, ia to pakeanki' sola sapatungki' simaluseanmi, nasaba' gaja bela kinii lumingka.”

Yosua 9:3

Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.