Yosua 9:3 - Alkitab Duri

³ Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.

Yosua 9:3 ပူးပေါင်းရင်းမြစ်များ

Yosua 10:1

Nasa'dingmi Adoni-Zedek, raja kota Yerusalem kumua mangkami natalo Yosua to to-Ai, naancuru'i to kotana, napateii to rajana, susi to mangka napugauk lako to-Yerikho sola rajana. Nasa'ding tooi kumua mangkami sibasse to to-Gibeon sola to-Israel la sisoba', nada'tan torro sola to-Israel.

Yosua 10:2

Gaja laja'i to to-Yerusalem, nasaba' matonggo to kota Gibeon, pada tonggona to kota den rajana, la'bih matonggopa na kota Ai. Umbopi ia to taunna sigaja barani na macca parari.

Yosua 10:28

Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 10:30

Nabenni PUANG Allataala kapataloan to to-Israel, nataloii joo kota sola rajana. Sininna tau llan joo kota dipatei ngasan, te'da lalo moi mesa' dieloran tuo. Ia to rajana napateii Yosua susi to nagaukanni lako rajana to-Yerikho.

Yosua 11:19

Te'da bang to kota to mpaden basse la sisoba' to-Israel, ia mandara to to-Hewi to torro jio Gibeon. Ia to kota laenna narari ngasanni to-Israel, nataloi.

Yosua 18:25

Den toopa sangpulo appa' kota sola kampongna iamo to: kota Gibeon, kota Rama, kota Beerot, kota Mizpa, kota Kefira, kota Moza, kota Rekem, kota Yirpeel, kota Tarala, kota Zela, kota Elef, kota Yebus (ia una to kota Yerusalem), kota Gibea, na kota Kiryat-Yearim. Iamo joo to tana diben lako sininna rapunna suku Benyamin la napumanah.

Yosua 9:17

Ia tonna sa'dingngi to-Israel joo kareba, malemi mpangngujuii joo kota. Ia tonna tallung allomo ratumi lako kota Gibeon, kota Kefira, kota Beerot na kota Kiryat-Yearim.

Yosua 9:22

Natambaimi Yosua to to-Gibeon naratu mangngolo. Nakuanmi Yosua, “Ciapari miuragakan mikua, ‘Mambela to kampongki',’ na tontee kamu' pale' mai?

Yosua 9:4

Napugaukmi to akkattana nnakkalanni Yosua. Nnalami karung maluse bangmo sola sepu' kuli' ngenan anggoro' to dikarempumora napade'i keledai. Na mpukinallo roti makase to bulu manukan bangmo, na ia to sapatu napake ditampih-tampih bang toomo sola mangpakean simaluse toomo.