Yosua 9:1 - Alkitab Duri

¹ Ia tonna sa'dingmi to kapataloanna to-Israel to sininna raja llan kalambunanna Sa'dan Yordan, la jaona buntu, la jiongna garonto' buntu, la jiona randan Tasik Tangnga ratu re' Buntu Libanon, iamo to rajana to-Het, rajana to-Amori, rajana to-Kanaan, rajana to-Feris, rajana to-Hewi na rajana to-Yebus,

Yosua 9:1 ပူးပေါင်းရင်းမြစ်များ

Yosua 1:15

Mitulungngi narampai to tana la Nabenni PUANG Allataala llan kalambunanna Sa'dan Yordan, tana Kanaan to la napupadang. Ianna torro manyamanmo llan joo tana to Nabenni PUANG Allataala to misompa, mane'ra kamu' wa'ding pole pole' ntee tanami to miniimo torro manyaman inde' kadellekan Sa'dan Yordan to mangkamo naben kamu' Nabi Musa tompangjaman PUANG Allataala.”

Yosua 1:4

mangpamula llo' mai padang pallawangan ratu re' buntu Libanon, nnola randan Sa'dan Efrat jio kadellekan, na sininna tanana to-Het, angge randan Tasik Tangnga llan kalambunan, ia ngasanmo joo to tana la Kuben kamu' mipupadang.

Yosua 10:23

Naalaimi tau to batu dileperanni joo lo'ko', nadisolan lako Yosua joo rajana to-Yerusalem, rajana to-Hebron, rajana to-Yarmut, rajana to-Lakhis na rajana to-Eglon.

Yosua 11:17

Maluahna joo tana narampa Yosua, mangpamula llo' mai Buntu Malenyu' siandah tana Edom, ratu re' Baal-Gad jio Lombok Libanon sau'na Buntu Hermon. Gaja sainni Yosua sirari rajana joo kota, apa nang nataloi, najokkoi to rajana napateii.

Yosua 13:5

La mutaloi toopa tanana to-Gebal, na sininna kotana to-Libanon jio kadellekanna, mangpamula jio mai Baal-Gad jiong garonto' Buntu Hermon, ratu lako lalan mangnguju lako Hamat,

Yosua 15:12

Ia to Tasik Tangnga iamo angge tanana suku Yehuda llan kalambunan. Susimi joo to sininna katonan tana manahna rapunna suku Yehuda.

Yosua 22:4

Na ia too Nabenmi PUANG Allataala to tasompa kamanyamanan to sile'tomi, susi to mangka Nabasse. Iamo joo, wa'dingmo kamu' pole lako bolami jio tana manahmi, to mangka naben kamu' Nabi Musa, tompangjaman PUANG Allataala, jio kadellekanna Sa'dan Yordan.

Yosua 23:4

Mangka ngasanmo kamu' kutawan mpake undi mipumanahhi to tanana bangsa to mangka tataloi sola to te'dapa naditaloi, mangpamula jio mai Sa'dan Yordan, angge randan Tasik Tangnga llan kalambunan.

Yosua 24:11

Mimane' male llambanni Sa'dan Yordan, midete' kota Yerikho. Nararii kamu' to-Yerikho, narari too kamu' to-Amori, to-Feris, to-Kanaan, to-Het, to-Girgasi, to-Hewi, na to-Yebus. Apa Kuben kamu' kapataloan mitalo ngasanni to tau.

Yosua 3:10

Ianna mendo'mo Sa'dan Yordan njoloan kamu' to tombulle Patti Basse-Na Puang Allataala to ngkuasai langi' sola lino, la mikitami kumua Ia to Allataala to tuo, llanni alla'ta'. Iamo la minii nnissenni dau kumua, nang la Naula'i Puang Allataala to to-Kanaan, to-Het, to-Hewi, to-Feris, to-Girgasi, to-Amori, na to-Yebus.

Yosua 5:1

Ia tonna sa'dingngi sininna rajana to-Amori llan kalambunan Sa'dan Yordan, sola rajana to-Kanaan jio siandah randan Tasik Tangnga kumua, Napamakasei PUANG Allataala to Sa'dan Yordan, naolai lamban to-Israel, malaja'mi na moro' penawanna la nnewa to-Israel.

Yosua 6:27

Da'tanni Natulung PUANG Allataala to Yosua, naliwa' kaissenan llan alla'na to-Israel to napugauk.

Yosua 9:7

Apa mebalii to to-Israel nakua, “Mbai ntee unariki' mai torro, te'da kiwa'ding sibasse to totorro ntee mai.”