Yosua 6:2 - Alkitab Duri

² Mangkada-Mi PUANG Allataala lako Yosua Nakua, “Nadete'mi wattunna la Kunii mben kamu' joo kota Yerikho sintong rajana sola sininna surudadunna to sigaja barani.

Yosua 6:2 ပူးပေါင်းရင်းမြစ်များ

Daniel 2:21

Iamo mpattantu sininna wattu. Ia toomo nnangka'i sola mpasoro'i to tomakuasa. Ia toomo mbenni kapaissenan sola kamapahangan lako tomacca.

Daniel 2:44

Mangkamo takita to batu lan tindota', to kumua te'da ia tau rrumbui, na tilu'bak jao mai buntu, nabasai nasisarambuan joo patung to dikabua' jio mai bassi, tambaga, litak pitti', salaka na bulawan. Battuananna: ia tonna mangparenta unapa to raja, ia to Allataala jao suruga la mpaden kaparentan tatta' te'da anggena, na te'da lalo ia to bangsa la ntaloi. Kaparentan iamo joo la nnancuru'i joo appa' kaparentan. Napangpeissenanni Allataala Tomala'bih lako kita' to apa la dioloi lako. Ia joo tindo wa'ding dikatappa'i, na ia to battuananna kupau tongan.”

Daniel 4:17

Ia tee pepasan ba'tu kara'tasan kupau situru' to napattantu malaeka'-Na Allataala, dikua naissen ngasanni tolino kumua ia to Allataala Tomala'bih ngkuasai karajaanna tolino. Mpangbengan karajaan lako tau to Nakabudai, moi na lako tobiccu'.”’

Daniel 4:35

Sininna tolino te'da bua'na. Ia to malaeka' jao suruga sola tolino Nakuasai ngasan Allataala. Te'da tau ngkullei nnewai to pakkaeloran-Na ba'tu mekutana, ‘Apara Tapugauk?’

Daniel 5:18

Nakua toopa Daniel, “Ie', ia to Nebukadnezar ambe'ta', Allataala Tomala'bih mpupenjajii raja lompo Nabenni kakuasan, kamawatangan sola kamala'biran.

Yosua 12:9

Ia to raja natalo Yosua den tallung pulo mesa tau, iamo to rajana to-Yerikho, rajana to-Ai jio siandah Betel, rajana to-Yerusalem, rajana to-Hebron, rajana to-Yarmut, rajana to-Lakhis, rajana to-Eglon, rajana to-Gezer, rajana to-Debir, rajana to-Geder, rajana to-Horma, rajana to-Arad, rajana to-Libna, rajana to-Adulam, rajana to-Makeda, rajana to-Betel, rajana to-Tapuah, rajana to-Hefer, rajana to-Afek, rajana to-Lasaron, rajana to-Madon, rajana to-Hazor, rajana to-Simron-Meron, rajana to-Akhsaf, rajana to-Taanakh, rajana to-Megido, rajana to-Kedes, rajana to-Yokneam siandah Buntu Karmel, rajana to-Dor jao membuntu-buntunna, rajana to-Goyim jio Galilea na rajana to-Tirza.

Yosua 2:24

Mangkai joo too nakuamo lako Yosua, “Nang la Nabenmiki' PUANG Allataala joo sininna tana Kanaan, la'bihpa liwa'miki' nakalaja' to tau jio.”

Yosua 2:9

Namangkada Rahab nakua, “Kuissen kumua Nabenmo kamu' PUANG Allataala tee kampongki'. Na sininna tau llan tee kampong malaja' ngasan lako kamu' to-Israel.

Yosua 20:1

Mangkai joo too, mangkada-Mi PUANG Allataala lako Yosua Nakua,

Yosua 6:1

Ia to sininna babangan kota jio Yerikho ditene' ngasanmi, dikua danggi' na den to-Israel mentama kota, te'da lalo tau dieloran messun mentama.

Yosua 6:3

Annan allona la munii male sola surudadummu ngguririkkii sipissen sangngallo joo kota,

Yosua 8:1

Mangkada-Mi PUANG Allataala lako Yosua Nakua, “Masumanga'ko, danggi' mumalaja'. Pasirempunni to surudadummu, mimale rrarii to kota Ai. La Kutulungko, mitaloi to rajana sola taunna, mirampai to kotana na sininna kampongna.