Yosua 5:2 - Alkitab Duri

² Ia joo wattu mangkada-I PUANG Allataala lako Yosua, Nakua, “Alako batu mukabua'i piso, mupakei ssunna' to-Israel to te'dannapa nadisunna'.”

Yosua 5:2 ပူးပေါင်းရင်းမြစ်များ

Roma 2:29

Sibalikanna ia to to-Yahudi, to direken umma'-Na tongan Puang Allataala, iamo to to mangpenawa to-Yahudi tongan, na ia to sunna' tongan lanri ia penawa. Ia tee napugauk Roh Allataala, na tangnakulle atoran agama mpugaukki. Ia to tosusi joo kadipakala'biranna te'da napole jio mai tolino, apa pole jio mai Puang Allataala.

Roma 4:11

Mangkamira joo, namane' disunna'. Ia to kadisunnatanna tandana kumua ia to Nabi Ibrahim napupenjaji tomeloi Puang Allataala, nasaba' matappa'i, moi na te'dapa napugaukki to atoran sunna'. Iamo joo na ia to Nabi Ibrahim menjaji ambe'na sininna tomatappa', to dipupenjaji tomelo, moiraka na te'da nadisunna'.

Kolose 2:11

Wa'ding dipau kumua mangkamo kamu' disunna', nasaba' memmesa' penawamo kamu' sola Almaseh. Te'da nasunna' kamu' tau, apa iara to penawammi nasunna' Almaseh. Battuananna mangkami Almaseh lla'paran kamu' jio mai sipa' jolomi.

Yosua 5:3

Napangparentanni Yosua lako ba'tu pira-pira tau nnala batu, nakabua'i piso napakei ssunna' to-Israel jao buntu. Mangpamula joo wattu disangami joo ngenan Buntu Passunnatan.