Yosua 4:9 - Alkitab Duri

⁹ Den too batu sangpulo dua napasitodo' Yosua llan tangnga sa'dan jio to nanii ke'deh imang to mbulle Patti Basse. Ia joo batu denpa ratu lako too allo.

Yosua 4:9 ပူးပေါင်းရင်းမြစ်များ

Matius 27:8

Iamo joo nadisangai too Padang Rara ratu lako too allo.

Matius 28:15

Naalami tuu lako surudadu joo doi', napugaukki to dipasananni. Iamo joo nakaissenan unapa joo kareba jio to-Yahudi ratu lako too allo.

Yosua 24:26

Sininna joo atoran sola parenta nauki'i Yosua llan Sura' atoran-Na Allataala. Mangkai joo too, nnalami mesa' batu matonggo, napakeqdehhi jio to' garonto' barana' matonggo, ngenan dipattantu lako PUANG Allataala.

Yosua 4:10

Tatta' bangngi to imang mbulle Patti Basse ke'deh llan tangnga Sa'dan Yordan arannai mangka to-Israel mpugaukki sininna to Napangparentan PUANG Allataala lako Yosua, napauanni lako to-Israel susi too to mangka naparentanni Nabi Musa. Na parri-parrimi llambanni Sa'dan Yordan.