Yosua 4:10 - Alkitab Duri

¹⁰ Tatta' bangngi to imang mbulle Patti Basse ke'deh llan tangnga Sa'dan Yordan arannai mangka to-Israel mpugaukki sininna to Napangparentan PUANG Allataala lako Yosua, napauanni lako to-Israel susi too to mangka naparentanni Nabi Musa. Na parri-parrimi llambanni Sa'dan Yordan.

Yosua 4:10 ပူးပေါင်းရင်းမြစ်များ

Kada Bulawan 27:1

Danggi' muborro ncurita joloi apa to la jaji masawa, nasaba' te'da muissenni apara la jaji to allo dioloi lako.

2 Korintus 6:2

Nakua Puang Allataala lan Sura' Allataala kumua, “Ia joo wattu kupueloh, kusa'dingmo to peta'dammu, na kutulungmoko joo wattu kamangpasalamatan.” Pesa'dingngii, iamo tee too to wattu napueloh Puang Allataala nanii to tau dipasalama'.

Yosua 24:11

Mimane' male llambanni Sa'dan Yordan, midete' kota Yerikho. Nararii kamu' to-Yerikho, narari too kamu' to-Amori, to-Feris, to-Kanaan, to-Het, to-Girgasi, to-Hewi, na to-Yebus. Apa Kuben kamu' kapataloan mitalo ngasanni to tau.

Yosua 3:13

Ia dau ke mpelleseanmi ajena do' sa'dan to imang mbulle Patti Basse-Na PUANG Allataala to ngkuasai langi' sola lino, ta'pa pajai lolong to wai sa'dan, ia to wai jaja mai ulu sa'dan tiempang jio mesa' ngenan.”

Yosua 4:11

Ia tonna lamban ngasanmo to to-Israel, mane'ri endek jiong mai sa'dan joo imang to mbulle Patti Basse-Na PUANG Allataala, nalumingka njoloan to-Israel.

Yosua 4:9

Den too batu sangpulo dua napasitodo' Yosua llan tangnga sa'dan jio to nanii ke'deh imang to mbulle Patti Basse. Ia joo batu denpa ratu lako too allo.