Yosua 3:1 - Alkitab Duri

¹ Masawanna joo too, napelambikkii Yosua sola to-Israel mi'cok, nake'deh jio mai Sitim male lako Sa'dan Yordan, namangbongi jio ntajan wattu to la nanii lamban.

Yosua 3:1 ပူးပေါင်းရင်းမြစ်များ

Markus 1:35

Masawanna tonna marimu-rimu unapa, mi'cokmi to Puang Isa namessun lan mai joo bola nanii mangbongi. Malemi lako pallawangan namassambajang ntuu jio.

Yosua 2:1

Ia tonna torro mangtenda jio Sitim to to-Israel nasuami Yosua dua tau male mmata-matai tana Kanaan nakuanni, “Male kamu' mmata-matai tana Kanaan lalopa kota Yerikho, apa danggi' naden tau nnissenni to karatuanmi.” Malemi sola dua. Ia tonna ratumo lako kota Yerikho, leppang lakoi bolana mesa' baine bandarang disanga Rahab, namangbongi jio.

Yosua 6:12

Ia tonna masawannamo makaleq unapa, mi'cokmi Yosua, napangparentanni lako imang sola surudadu namale pole' ngguririkki joo kota. Susi una to pangbarisi'na ssangbo', surudadu jio olona imang to mpannoni tarruh tarompe', namane' tombulle Patti Basse-Na PUANG Allataala, naundi to surudadu pira'.

Yosua 6:15

Ia tonna mangpitung allomo, mane' la mariwangngi nami'cokmo, male pole'mi ngguririkkii joo kota, susi una to mangka napugauk. Apa ia joo allo, pempitui ngguririkki kota.

Yosua 7:16

Masawanna joo too, makale' unapa, nasuai Yosua to to-Israel mangngolo simesa'-mesa' suku, nadiampa' kumua suku Yehuda.

Yosua 8:10

Masawanna joo too, napelambikkimi Yosua mi'cok nasuai sirempun to surudadunna, naatoro'i. Mangkai joo too malemi sola tomatua-tua to-Israel lako kota Ai.