Yosua 2:9 - Alkitab Duri

⁹ Namangkada Rahab nakua, “Kuissen kumua Nabenmo kamu' PUANG Allataala tee kampongki'. Na sininna tau llan tee kampong malaja' ngasan lako kamu' to-Israel.

Yosua 2:9 ပူးပေါင်းရင်းမြစ်များ

Ester 8:17

Moi jio simesa'-mesa' kota sola propinsi la umbo-umbo dinii mbacai joo sura' parentana raja, mario masannang to to-Yahudi namangmaroah-roah. Na buda tau jio mai bangsa laen to menjajimo to-Yahudi nturu'i to agamana sola ada'na, nasaba' malaja'i lako joo to-Yahudi.

Matius 20:15

Te'daraka kusipato' mpugaukki to pakkaeloranku'? Ciapari mumangngimburu ke mamasena'?’ ”

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Yosua 2:11

Ia tongkisa'dingngi joo kareba, gaja laja'mokan, te'damo kabaranianki'. Ia to PUANG Allataala misompa, nang Iamo Allataala ngkuasai langi' sola lino.

Yosua 2:24

Mangkai joo too nakuamo lako Yosua, “Nang la Nabenmiki' PUANG Allataala joo sininna tana Kanaan, la'bihpa liwa'miki' nakalaja' to tau jio.”

Yosua 2:8

Te'dapa namamma' to mata-mata, endekmi Rahab de' lata' bola to nanii mbunii.

Yosua 5:1

Ia tonna sa'dingngi sininna rajana to-Amori llan kalambunan Sa'dan Yordan, sola rajana to-Kanaan jio siandah randan Tasik Tangnga kumua, Napamakasei PUANG Allataala to Sa'dan Yordan, naolai lamban to-Israel, malaja'mi na moro' penawanna la nnewa to-Israel.

Yosua 6:2

Mangkada-Mi PUANG Allataala lako Yosua Nakua, “Nadete'mi wattunna la Kunii mben kamu' joo kota Yerikho sintong rajana sola sininna surudadunna to sigaja barani.

Yosua 9:10

sola to Napugauk lako dua rajana to-Amori jio kadellekanna Sa'dan Yordan, iamo to Sihon rajana to-Hesybon na Og rajana to-Basan to torro jio Asytarot.

Yosua 9:24

Mebalimi to to-Gibeon nakua, “Iamo kipugaukki susi joo, nasaba' kisa'dingmo kumua ia to PUANG Allataala to misompa mangka mangkada lako Nabi Musa, tompangjaman-Ni kumua, la Naben kamu' tee sininna kampong na la mipatei ngasan to taunna, iamo kipumalaja' ke mipateikan.

Yosua 9:9

Mebalimi nakua, “Ia tee kami' kaunanta', gaja bela to kampongki'. Ratukan, nasaba' kisa'dingmi to apa mejangngaran Napugauk PUANG Allataala to misompa. Kisa'dingmo to sininna apa Napugauk lako to-Mesir,