Yosua 2:4 - Alkitab Duri

^4-6 Apa nabunii Rahab jolo' joo dua tau jao lata' bola mangpenduan to ditembo', nasamboii batang rami to mukkun dipemakasei, namane' male ssitammuanni joo tau nakua, “Den tongan ia tau ratu inde' bolaku', apa te'da aku' kuissenni topole umbori ia. Ia tonna la malillinmo nnena' tonna te'dapa nadisalli' to babangan kota, malemi ia, na te'da too kukutanaii kumua la male umbori. Mbai midete' unapa ke ta'pa male kamu' nnula'i.”

Yosua 2:4 ပူးပေါင်းရင်းမြစ်များ

Yakub 2:25

Kitai Rahab, mesa' baine bandarang. Ia tuu lako mata-matanna to-Israel tonna anu' natarima melo Rahab, napakitanni lalan laen naolai mpala'pah kalena. Iamo natarima meloi Puang Allataala joo Rahab nasaba' panggaukan melona.

Yosua 2:3

Nasuami raja to tau male lako bolana Rahab mpau pepasanna kumua, “Suai messun tuu toleppang llan bolamu, ratui mmata-matai sininna kampongta'.”

Yosua 6:17

La dilanynya'i ngasan tee kota sola sininna issinna, menjaji passompan lako PUANG Allataala. Ia mandara joo Rahab mesa' baine bandarang te'da naladipatei, nasaba' mangkami ntulung mata-matanta'. Moi to sininna tau llan bolana te'da too naladipatei.

Yosua 6:25

Apa te'da naeloranni Yosua to tau mpatei Rahab sola sininna rapunna, nasaba' mangkami ntulung mata-mata to nasua Yosua ba'tu piran mmata-matai kota Yerikho. Ratu lako too allo da'tan unapi torro to Rahab sola bati'na jio tana Israel.