Yosua 2:3 - Alkitab Duri

³ Nasuami raja to tau male lako bolana Rahab mpau pepasanna kumua, “Suai messun tuu toleppang llan bolamu, ratui mmata-matai sininna kampongta'.”

Yosua 2:3 ပူးပေါင်းရင်းမြစ်များ

Yahya 19:4

Mangkai joo too, messun unapi Gubernur Pilatus namangkada lako tobuda nakua, “Kitai! La kupangngoloi lako kamu', ammiissenni kumua moi mesa' kasalan-Na te'da kuampa'.”

Jamanna Rasulu' 12:4

Ia tonna dijokkomo, napangpesuanni nadipatama pangtarungkuan. Patang torroan surudadu jio disua nnampaii. Ia to sangtorroan sia'pa' surudadu lan. Akkattana mangkapi pangramean Paskah, namane' mbicarai to kara-karana jio olona tobuda.

Jamanna Rasulu' 12:6

Ia tonna bongi, dikua la masawapi napangngoloi Raja Herodes lako tobuda, na ia to Petrus dirante bassi dua to limanna, mamma' napatangnga dua surudadu tomangngampana. Den todapa pangjaga laen jio sikandoppi' ba'ba pangtarungkuan.

Yosua 10:23

Naalaimi tau to batu dileperanni joo lo'ko', nadisolan lako Yosua joo rajana to-Yerusalem, rajana to-Hebron, rajana to-Yarmut, rajana to-Lakhis na rajana to-Eglon.

Yosua 2:2

Denmi tau male mpaui lako rajana to-Yerikho kumua, “Den to-Israel ratu tee bongi mmata-matai kampongta'.”

Yosua 2:4

Apa nabunii Rahab jolo' joo dua tau jao lata' bola mangpenduan to ditembo', nasamboii batang rami to mukkun dipemakasei, namane' male ssitammuanni joo tau nakua, “Den tongan ia tau ratu inde' bolaku', apa te'da aku' kuissenni topole umbori ia. Ia tonna la malillinmo nnena' tonna te'dapa nadisalli' to babangan kota, malemi ia, na te'da too kukutanaii kumua la male umbori. Mbai midete' unapa ke ta'pa male kamu' nnula'i.”