Yosua 2:18 - Alkitab Duri

¹⁸ Ia ke kitamaimi tee kampong, inde' to ulang malea la mupengkapuran jio ntee pentiroan kinii mellao. Na ia to ambe'mu sola indomu sola sininna rapummu kuanni nasirempun llan ntee bola.

Yosua 2:18 ပူးပေါင်းရင်းမြစ်များ

Ester 8:6

Tangkusara ngkitai to bangsaku' sola rapungku' disessa na dipatei.”

Lukas 19:9

Nakuamo Puang Isa lako Zakheus, “Ia bang unamo tee allo napasalama'ko Puang Allataala sola rapummu, nasaba' moi iko bati'na todako Nabi Ibrahim.

Jamanna Rasulu' 10:27

Sipangkada unapi Kornelius namentama bola. Buda tau nakita lan nnampaii.

Jamanna Rasulu' 10:33

Iamo joo kuta'pa madoi' ssua tau male ntambaiko. Na melomi sanga maringngan penawa unako ratu. Ia tee kami' sirempun ngasanmokan jio olo-Na Puang Allataala la ssa'dingngi sininna to nasuanko Puang Allataala la mpauankan.”

Jamanna Rasulu' 11:14

La napauanko kareba to la mpasalama'ko sintong repokkomu.’ ”

2 Timotius 1:16

Dennaa upa' napakitanni Puang kameloan penawan-Na to repokkona Onesiforus, nasaba' ia to Onesiforus tatta'i mpamariona' na te'da nakasirisanna' moi kuditarungku.

Ibrani 9:19

Ia tonna mangkamo napangpeissenan ngasan Nabi Musa to atoran-Na Puang Allataala lako to-Yahudi, naalami to rara anak sapin na rara beke bulolo', napasiraui wai, namane' mpi'pikkii joo sura' atoran-Na Puang Allataala sola to-Yahudi, mpake reu hisop dikapu' bulu bembala' malea.

Yosua 2:21

Nasitujuii Rahab joo sapahna, namane' ntulungngi mellao nnola pentiroan, namale. Mangkai joo too napengkapuranmi Rahab to ulang malea jio pentiroanna.

Yosua 6:23

Jaji malemi joo dua mata-mata lako bolana Rahab nasolanni to Rahab messun llan mai kota sola tomatuanna, sile'tona sola sininna rapunna, napakitanni ngenan la nanii torro jio siandah tendana to-Israel.

Yosua 6:25

Apa te'da naeloranni Yosua to tau mpatei Rahab sola sininna rapunna, nasaba' mangkami ntulung mata-mata to nasua Yosua ba'tu piran mmata-matai kota Yerikho. Ratu lako too allo da'tan unapi torro to Rahab sola bati'na jio tana Israel.