Yosua 18:6 - Alkitab Duri

⁶ La migambara' to anggena joo tana ditawa pitu, mibenna', kuundii umbonna to tana la mipumanah to Napattantuan kamu' PUANG Allataala to tasompa.

Yosua 18:6 ပူးပေါင်းရင်းမြစ်များ

Kada Bulawan 16:33

Ia to madoang nnissen assele'na nalotereii, apa Puang Allataala mandara to mpattantui assele'na.

Kada Bulawan 18:18

Ia to kasisakkan wa'ding diparadan mpake undi, na moi kasisakkanna tomapangka' wa'ding too napapaja.

Jamanna Rasulu' 13:19

Ia tonna mangka ssabu'i pitu bangsa jio tana Kanaan, natawa-tawanni joo tana napumanahhi.

Yosua 14:2

Nampake undi ntawai joo tana llan kalambunan Sa'dan Yordan to dipatujui lako kasera sitangnga suku to-Israel susi to mangka Napangparentan PUANG Allataala lako Nabi Musa.

Yosua 18:10

Natawami Yosua joo tana mpake undi jio olo-Na PUANG Allataala jio Silo, nabenni lako suku to-Israel to te'dapa naampa' tana manah.

Yosua 18:7

Ia manda to suku Lewi to te'da naladiben tana manah, nasaba' ia to napumanah iamo to la menjaji imang la mpangjaman PUANG Allataala. Na ia to suku Gad na suku Ruben, na sitangngana suku Manasye, mangkami ia ntarima tana manah jio kadellekanna Sa'dan Yordan, to nabenni Nabi Musa, to mpangjaman PUANG Allataala.”

Yosua 18:8

Ia tonna la malemo to todipilei napatujui Yosua jolo' nakua, “Malemo kamu' ngkitai joo tana, miuki'i to anggena, mimane' pole mpauanna', kumane' nnundii inde' kota Silo, nadiissen umbonna to tana Napattantuan kamu' PUANG Allataala la miputawa.”