Yosua 18:21 - Alkitab Duri

^21-24 Ia to sininna kota diben rapunna suku Benyamin, den sangpulo dua kota sola kampongna, iamo to: kota Yerikho, kota Bet-Hogla, kota Emek-Kezis, kota Bet-Araba, kota Zemaraim, kota Betel, kota Haawim, kota Para, kota Ofra, kota Kefar-Haamonai, kota Ofni, na kota Geba.

Yosua 18:21 ပူးပေါင်းရင်းမြစ်များ

Yosua 18:12

Ia to katonan jajanna liu pamula jio mai Sa'dan Yordan nnola de' awa' buntu re'na kota Yerikho, mangnguju kalambunan nnola membuntunna, ratu re' padang pallawangan kota Bet-Awen.

Lukas 19:1

Mentamami kota Yerikho to Puang Isa, natarruh bang mbulewanni joo kota.

Lukas 10:30

Mebalimi Puang Isa mpake pangpasusian nakua, “Den mesa' muane male jao mai kota Yerusalem mangnguju do' kota Yerikho. Natammuii parampo' jio tangnga lalan, narampai to pakeanna sola sininna apanna, namane' nggasa'i na ci'di'mora namate. Mangkai joo too nasalai bangmi.

Yosua 18:19

namane' nnola jajanna liu awa' Buntu Bet-Hogla, nacappa' jio re'na Tasik Mate to nanii cappa'na Sa'dan Yordan. Susimi joo to katonan suku Benyamin llo'na liu.

Yosua 15:6

tarruh de' kota Bet-Hogla, male nnola jajanna liu kota Bet-Araba, tarruh male de' Batu Bohan (ia to Bohan, anakkana Ruben),

Yosua 6:1

Ia to sininna babangan kota jio Yerikho ditene' ngasanmi, dikua danggi' na den to-Israel mentama kota, te'da lalo tau dieloran messun mentama.

Yosua 2:1

Ia tonna torro mangtenda jio Sitim to to-Israel nasuami Yosua dua tau male mmata-matai tana Kanaan nakuanni, “Male kamu' mmata-matai tana Kanaan lalopa kota Yerikho, apa danggi' naden tau nnissenni to karatuanmi.” Malemi sola dua. Ia tonna ratumo lako kota Yerikho, leppang lakoi bolana mesa' baine bandarang disanga Rahab, namangbongi jio.

Yosua 18:20

Na ia to katonan kadellekan, iamo to randan Sa'dan Yordan. Susimi joo to katonan tana manah ditawan lako sininna rapunna suku Benyamin.