Yosua 11:12 - Alkitab Duri

¹² Sininna to kota natalo ngasanni Yosua, napateii to rajana sola sininna taunna to torro llan kota, susi to nasuanni Nabi Musa, tompangjaman PUANG Allataala.

Yosua 11:12 ပူးပေါင်းရင်းမြစ်များ

Yosua 10:20

Napateii Yosua sola to-Israel to to-Amori, apa den unapa to la'pah napole pole' tama kotana to matande tembo'na na mawatang nanii membuni, na te'da nadipatei.

Yosua 10:28

Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 10:30

Nabenni PUANG Allataala kapataloan to to-Israel, nataloii joo kota sola rajana. Sininna tau llan joo kota dipatei ngasan, te'da lalo moi mesa' dieloran tuo. Ia to rajana napateii Yosua susi to nagaukanni lako rajana to-Yerikho.

Yosua 10:32

Ia tonna duang allomo rrarii to kota Lakhis, Nabenmi PUANG Allataala kapataloan to to-Israel. Apa to napugauk Yosua jaja kota Libna, ia toomo napugauk llo' kota Lakhis, napatei ngasanni to taunna.

Yosua 10:35

Ia bang unamo joo allo nataloii Yosua to kota Eglon, napatei ngasanni to tau llan joo kota, susi to napugauk lako to-Lakhis.

Yosua 10:37

nataloi. Napateii Yosua to rajana sola sininna taunna. Moi to kota sikandoppi'na narari tooi Yosua, napateii to sininna taunna, moi mesa' te'da lalo tau tuo. Naancuru'i Yosua joo kota susi to napugauk lako kota Eglon.

Yosua 11:13

Apa ia to kota jao buntu-buntu te'da nasumpunni to-Israel, ia manda napangparentan Yosua to kota Hazor disumpun.

Yosua 11:15

Sininna to Napangparentan PUANG Allataala lako Nabi Musa, tompangjaman-Ni, mangkami napau Nabi Musa lako Yosua. Na sininna joo napugauk ngasan Yosua, te'da bang moi mesa' to tangnapugauk.

Yosua 13:6

na sininna kotana to-Sidon, to torro ntuu de' membuntunna, mangpamula jao Buntu Libanon ratu lako Misrefot-Maim. Sininna to tontorroi to tana, la Kuula'ii ke natamaimi to-Israel. Apa la mutawa mpake undi jolo' lako to-Israel to tana napumanahhi, susi to mangka Kupangparentan lako iko.

Yosua 21:44

Na susi to mangka Nabasse Puang Allataala lako tojolona, namanyaman nnii torro, nasaba' Najagaii PUANG Allataala. Te'da lalo ewana barani nnewai, nasaba' Nabenni kapataloan PUANG Allataala.

Yosua 8:31

Ia joo ngenan pangkaroban diala jio mai batu te'da nadipa', napasitodo' menjaji ngenan pangkaroban, susi to napangparentan Nabi Musa lako to-Israel. Den diuki' llan Sura' Nabi Musa kumua mesa' ngenan pangkaroban dikabua' jio mai batu te'da nadipa', te'da nakannai parewa bassi. Jao joo ngenan pangkaroban nanii to-Israel mpanii passompan karoba lako PUANG Allataala to ditunu pu'puh sola karoba mangsukkuru' dipasalama'.

Yosua 8:8

Iammi tamaimi joo kota mimangka rrampai, ta'pa la misumpunni, susi to Napangparentan PUANG Allataala la mipugauk. Ingaranni, susi toomi joo kusuan kamu'.”

Yosua 9:24

Mebalimi to to-Gibeon nakua, “Iamo kipugaukki susi joo, nasaba' kisa'dingmo kumua ia to PUANG Allataala to misompa mangka mangkada lako Nabi Musa, tompangjaman-Ni kumua, la Naben kamu' tee sininna kampong na la mipatei ngasan to taunna, iamo kipumalaja' ke mipateikan.