Yosua 10:13 - Alkitab Duri

¹³ Na ia joo wattu ia to mataallo na bulan te'da namellele jio mai ngenanna, arannai nataloi ngasan to-Israel to ewana. Ia joo apa jaji, mangkami diuki' llan Bo' Yasar. Tatta' bangngi to mataallo jao tangnga langi', agi-agi sangngalloi kenden namane' lambun.

Yosua 10:13 ပူးပေါင်းရင်းမြစ်များ

Ester 8:13

Ia joo sura' parenta nang la dipasun menjaji sura' atoran, nadipangpeissenan lako tau lan sininna propinsi na sadia to bangsa Yahudi nnewa ewana ke nadete'mi joo allona.

Matius 24:29

Mpatarruhhi kadan-Na Puang Isa nakua, “Te'da namasai ke mangkami joo kamaparrisan, na te'damo namangngarrang to allo sola bulan. La sipolloranni to bintuin jao mai langi' na la mausa' ngasan to tontoe kuasa jao langi'.

Matius 5:45

ammiwa'ding dikita anakka-Na Ambe'mi Puang Allataala jao suruga. Nasaba' Puang Allataala mpadenan allo tokassing sola togaja' na mparatuan too uran tomelo sola totangmelo.

Lukas 18:7

La'bih-la'bih Puang Allataala la ntulung sininna tonapileimo, to massambajang bang allo-bongi. Te'da namangmela'-mela' ntulung umma'-Na!

Jamanna Rasulu' 2:20

La memmapattang to allo, na memmalellang to bulan susi rara ke la nadete'mi allo-Na Puang, allo matonggo na mala'bih.

Yosua 10:11

Ia tonna sipalaian to to-Amori jio mai olona to-Israel, pamula jiong awa' buntu jiong Bet-Horon ratu sau' kota Azeka, Napabassanni tarruh-Hi PUANG Allataala uran batu simatonggo jao mai langi' arannai simatean. Ia to mate nakanna uran batu la'bih buda na ia to mate napa'dangngi to-Israel.

Yosua 10:14

Te'dapa naden allo jaji susi joo, to pura diboko', na la dioloinna lako kumua, Naturu'i PUANG Allataala to peta'danna mesa' tolino susi joo. Nasaba' PUANG Allataala Ia to parari mpangngewan to-Israel.

Pengkitanna Yahya 21:23

Te'da naparallu naarrang allo sola bulan, sanga kamala'biran-Na Puang Allataala na Anak Bembala' nnarrangngi.

Pengkitanna Yahya 6:10

metambai nakua, “Oo Puang, matonggo kuasan-Ta', mala'bih na tongan. Pirapara masainna tamane' mbicarai tapabalahhii tee tolino to mangkamo mbunokan?”

Pengkitanna Yahya 6:12

Mangkai joo too kukita omi tonna piakki Anak Bembala' to segel mangpennannan, nata'pa nino liwa' tonggo. Na ia to allo memmalotong susi dodo ampe' lotong, namemmalea to bulan susi rara.

Pengkitanna Yahya 8:12

Ia to malaeka' mangpenna'pa' mpannoni tarompe'na, na ia to allo, bulan na bintuin sita'dean ngasan sangtawa tallu wattunna mangngarrang. Jaji, ia to allo sangtawa tallu wattunna te'da namangngarrang, susi too to bulan na bintuin ke bongii.