Yosua 10:10 - Alkitab Duri

¹⁰ Napalumpisui PUANG Allataala to to-Amori tonna kitami to surudadunna to-Israel. Buda to-Amori dipatei jio Gibeon, na ia to tuo unapa diula'i do' awa' buntu jiong kota Bet-Horon ratu sau' kota Azeka na Makeda.

Yosua 10:10 ပူးပေါင်းရင်းမြစ်များ

Yosua 10:11

Ia tonna sipalaian to to-Amori jio mai olona to-Israel, pamula jiong awa' buntu jiong Bet-Horon ratu sau' kota Azeka, Napabassanni tarruh-Hi PUANG Allataala uran batu simatonggo jao mai langi' arannai simatean. Ia to mate nakanna uran batu la'bih buda na ia to mate napa'dangngi to-Israel.

Yosua 10:28

Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 10:9

Sangbongi bangngi Yosua sola surudadunna lumingka jio mai Gilgal, na ia tonna ratumo lako kota Gibeon, ta'pa malemi rrarii to to-Amori.

Yosua 11:8

Napapataloi PUANG Allataala to to-Israel. Naula'i to ewana ratu re' kota Sidon Tonggo, kota Misrefot-Maim llan kalambunan, na lako Lombok Mizpa jio kadellekan. Narari tarruhhi arannai mate ngasan to ewana, moi mesa' te'da lalo tuo.

Yosua 16:3

Jio mai Atarot male do' kalambunan kampongna to-Yaflet, nnola kota Bet-Horon jiongna liu, nnola kota Gezer, nacappa' llan randan Tasik Tangnga.

Yosua 16:5

Ia to tana napumanah suku Efraim pantan sisangrapu susii tee. Ia to katonan llo'na liu mangpamula jio mai kota Atarot-Adar, mangnguju kalambunan nnola kota Bet-Horon jaona liu.