Yosua 10:1 - Alkitab Duri

¹ Nasa'dingmi Adoni-Zedek, raja kota Yerusalem kumua mangkami natalo Yosua to to-Ai, naancuru'i to kotana, napateii to rajana, susi to mangka napugauk lako to-Yerikho sola rajana. Nasa'ding tooi kumua mangkami sibasse to to-Gibeon sola to-Israel la sisoba', nada'tan torro sola to-Israel.

Yosua 10:1 ပူးပေါင်းရင်းမြစ်များ

Ibrani 7:1

Raja joo Melkisedek jio kota Salem tonna anu' na imang tooi to nnurusu' kamassompan lako Puang Allataala to kaminang mala'bih. Ia tonna polemo Nabi Ibrahim mangrari ntalo ba'tu pira-pira raja, malemi imang Melkisedek ntammuii nabarakka'ii.

Yosua 10:3

Iamo nasuai Adoni-Zedek to taunna male mparatu pepasanna lako Raja Hoham jio kota Hebron, Raja Piream jio kota Yarmut, Raja Yafia jio kota Lakhis, na Raja Debir jio kota Eglon, kumua,

Yosua 6:21

Sininna to to-Yerikho mate ngasan dipa'dangngi, la muane la baine, la to matua, la tomalolle'. Sininna sapin, bembala' na keledai dipatei ngasan too.

Yosua 8:2

Ia to to-Ai sola rajana la mupatei susi to mangka mupugauk lako to-Yerikho sola rajana ba'tu piran. Apa ia to ewananna sola patuoanna wa'ding miala mipuapai. Suai to surudadummu naden pira' membuni nnola jio mai boko' kota sadia ta'pa rrarii.”

Yosua 9:3

Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.