Yosua 1:9 - Alkitab Duri

⁹ Ingaranni, Kupauanmoko dikua mumasumanga', mubarani. Danggi' mumalaja', na danggi' too namoro' penawammu, nasaba' Aku' PUANG Allataala to musompa, ssolanko umbo-umbo munii male.”

Yosua 1:9 ပူးပေါင်းရင်းမြစ်များ

Daniel 10:19

Mangkadai nakua, ‘Ee Daniel, danggi' mumalaja', Napakamoja'ko Puang Allataala. Danggi' mupussak! Mawatang tonganko!’ Mangkada unapi susi joo kusa'dingngi to kaleku' mawatang pole'. Mangkadamo' kukua, ‘Mangkadamiki' puang, nasaba' kerangnganmi to kamawatanganku'.’

Jamanna Rasulu' 4:19

Apa napebalii nakua, “Tapikkiri' bangmi, umbonna to nakabudai Puang Allataala, nturu'raka parentata' iarika nturu' parenta-Na.

Yosua 1:10

Napangparentanmi Yosua lako to tomatua-tua to-Israel nakua,

Yosua 1:17

Nang la kituru' to parentata', susi Nabi Musa tatta' kituru' to parentana. Dennaa upa' Nada'tan PUANG Allataala to tasompa ntulungki', susi Nabi Musa da'tan Natulung Puang Allataala!

Yosua 1:18

Inda-inda to cia' nturu' parentata', ba'tu te'da namadoang mpesa'dingngiki', la dipatei. Baraniki', tamasumanga'!”

Yosua 10:25

Mangkai joo too, nakuamo Yosua lako pangbarani surudadu, “Danggi' mimalaja', barani kamu' mimasumanga', nasaba' susimi tee la Nagaukanni PUANG Allataala to sininna ewata'.”

Yosua 10:8

Mangkada-Mi PUANG Allataala lako Yosua Nakua, “Danggi' mukalaja'i, nasaba' la Kubenko kapataloan. Moi mesa' te'da la ntaloiko.”

Yosua 3:7

Mangkada-Mi PUANG Allataala lako Yosua Nakua, “Mangpamula too allo, Kupamala'bihko, dikua nataratte'ko sininna to-Israel, naissenni kumua Aku' ntulungko, susi Nabi Musa Kutulung.

Yosua 6:27

Da'tanni Natulung PUANG Allataala to Yosua, naliwa' kaissenan llan alla'na to-Israel to napugauk.

Yosua 8:1

Mangkada-Mi PUANG Allataala lako Yosua Nakua, “Masumanga'ko, danggi' mumalaja'. Pasirempunni to surudadummu, mimale rrarii to kota Ai. La Kutulungko, mitaloi to rajana sola taunna, mirampai to kotana na sininna kampongna.