Yosua 1:6 - Alkitab Duri

⁶ Mpatarruhhi kadan-Na Puang Allataala lako Yosua Nakua, “Mangka Kubasse mpake sapah lako tojolomi kumua la Kubenni tee tana Kanaan. Baraniko mumasumanga', nasaba' ikomo la njoloananni tee bangsa la rrampai to tana mangka Kubasse lako tojolomi.

Yosua 1:6 ပူးပေါင်းရင်းမြစ်များ

Daniel 10:19

Mangkadai nakua, ‘Ee Daniel, danggi' mumalaja', Napakamoja'ko Puang Allataala. Danggi' mupussak! Mawatang tonganko!’ Mangkada unapi susi joo kusa'dingngi to kaleku' mawatang pole'. Mangkadamo' kukua, ‘Mangkadamiki' puang, nasaba' kerangnganmi to kamawatanganku'.’

1 Korintus 16:13

La majaga kamu', mituru' tarruhhi to pangngajaran tongan. Barani kamu' mipamawatang tooi to kamatapparanmi.

Efesus 6:10

Na mangkatampakanna, eloranni to kuasan-Na Puang mpamawatang kamu', nasaba' memmesa' penawamo kamu' sola Ia.

2 Timotius 2:1

Ee, Timotius to kupuanak! Eloranni to kameloan penawan-Na Puang Isa Almaseh mpamawatangko.

Yosua 1:18

Inda-inda to cia' nturu' parentata', ba'tu te'da namadoang mpesa'dingngiki', la dipatei. Baraniki', tamasumanga'!”

Yosua 1:7

Iara ia, la matappa' tonganko mubarani. La mupugauk tongan to sininna atoran to nabenko Nabi Musa tompangjaman-Na', danggi' lalo na den tangmuingaran, dikua na sininna to apa mupugauk la melo assele'na.

Yosua 1:9

Ingaranni, Kupauanmoko dikua mumasumanga', mubarani. Danggi' mumalaja', na danggi' too namoro' penawammu, nasaba' Aku' PUANG Allataala to musompa, ssolanko umbo-umbo munii male.”

Yosua 10:25

Mangkai joo too, nakuamo Yosua lako pangbarani surudadu, “Danggi' mimalaja', barani kamu' mimasumanga', nasaba' susimi tee la Nagaukanni PUANG Allataala to sininna ewata'.”

Yosua 13:6

na sininna kotana to-Sidon, to torro ntuu de' membuntunna, mangpamula jao Buntu Libanon ratu lako Misrefot-Maim. Sininna to tontorroi to tana, la Kuula'ii ke natamaimi to-Israel. Apa la mutawa mpake undi jolo' lako to-Israel to tana napumanahhi, susi to mangka Kupangparentan lako iko.

Yosua 18:3

Iamo joo, namangkada Yosua lako to-Israel nakua, “Pirapara masainna la minii mangdau-dau bangpa? Ciapari nate'dara mimale nnii torro joo tana to mangka Naben kamu' PUANG Allataala to nasompa tojolomi?

Yosua 21:43

Susimi joo PUANG Allataala mben tana Kanaan lako to-Israel, susi to Nabasse ton-Namassapah lako tojolona to-Israel. Nakuasaimi to-Israel to tana Kanaan, nanii torro tarruh.