Yosua 1:5 - Alkitab Duri

⁵ Moi mesa' tau te'da ngkullei ntaloko angge tuomu, nasaba' Aku' tatta' ssolanko, susi Nabi Musa tonna tee tatta' Kusolan. La Kuampai tarruhko, te'da Kulassalaiko.”

Yosua 1:5 ပူးပေါင်းရင်းမြစ်များ

Daniel 11:16

Ia to raja jajanna liu la mpupangngeloh bang elohna mangpugauk, na moi mesa' tau te'da nnewai. Natorroi to Tana Kaminang Makassing nawa'ding nnancuru'i.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Roma 8:31

Apara la takua tee too to sininna joo? Ia ke napangngewaiki' Puang Allataala indara la nnewaki'?

Roma 8:37

Apa sapatalo-talota', sanga naampaiki' to tompakamoja'ki'.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

Ibrani 13:5

Danggi' napukaunan kamu' doi', apa pumasannang bangmi to apa miampui, sanga mangkamo napau Puang Allataala kumua, “La kupuinawa tarruhko, te'da kulassalaiko.”

Yosua 1:17

Nang la kituru' to parentata', susi Nabi Musa tatta' kituru' to parentana. Dennaa upa' Nada'tan PUANG Allataala to tasompa ntulungki', susi Nabi Musa da'tan Natulung Puang Allataala!

Yosua 1:9

Ingaranni, Kupauanmoko dikua mumasumanga', mubarani. Danggi' mumalaja', na danggi' too namoro' penawammu, nasaba' Aku' PUANG Allataala to musompa, ssolanko umbo-umbo munii male.”

Yosua 10:8

Mangkada-Mi PUANG Allataala lako Yosua Nakua, “Danggi' mukalaja'i, nasaba' la Kubenko kapataloan. Moi mesa' te'da la ntaloiko.”

Yosua 21:44

Na susi to mangka Nabasse Puang Allataala lako tojolona, namanyaman nnii torro, nasaba' Najagaii PUANG Allataala. Te'da lalo ewana barani nnewai, nasaba' Nabenni kapataloan PUANG Allataala.

Yosua 3:7

Mangkada-Mi PUANG Allataala lako Yosua Nakua, “Mangpamula too allo, Kupamala'bihko, dikua nataratte'ko sininna to-Israel, naissenni kumua Aku' ntulungko, susi Nabi Musa Kutulung.

Yosua 6:27

Da'tanni Natulung PUANG Allataala to Yosua, naliwa' kaissenan llan alla'na to-Israel to napugauk.