Yakub 5:19 - Alkitab Duri

^19-20 Ee, tomala'bihku'! Ingaranni tee kada kumua, ia ke den tau membalik jio mai pangngajaran-Na Puang Allataala, la mipangngingaranni namengkatoba' pole', na ia to tompangngingaranni joo tomadosa namengkatoba', iamo joo tau napusaba' nadipasalama' to sunga'na jio mai kamatean jio ahera', na didampangan, moi buda dosana. Padamo jolo' too. Sallangki' mati', Yakub.

Yakub 5:19 ပူးပေါင်းရင်းမြစ်များ

Kada Bulawan 19:27

Ee anakku', apara bua'mu mupesa'dingngi pangpangngajah, ke nang la mupaboko'i unai penawa to kada mbenko kapaissenan!

Matius 18:15

Mpatarruh omi kadan-Na Puang Isa nakua, “Ia ke ia to padanta' tomatappa' mpugauk kasalan lako iko, maleko mpakainga'i joo panggaukanna. Sola dua bangmoko. Ia ke napesa'dingngiko, battuananna mupusile'to pole'mi.

Lukas 22:32

Apa mangkamo' mpassambajanganko ammuda'tan matappa'. Na ia mumengkatoba'mo, la mupamawatang kamatapparanna to padammu tomatappa'.”

Galatia 6:1

Ee, tokupusile'to! Ia ke denni mesa' tau diampa' mpugauk dosa, ia to kamu' nturu' Roh Allataala la mipatuju rampa'i joo tau lako lalan kameloan. Apa la mijagai to kalemi danggi' mituru' toda mpugaukki.

1 Timotius 6:10

Nasaba' kamacinnan lako doi' mpaden mangrupa-rupa kagajatan. Den to tau mentangmatappa' pole'mo lako Puang Isa Almaseh, nasaba' male bangngi nnangah doi', apa undinna melliwa' pa'dik penawari.

1 Timotius 6:21

Den tau ssanga kalena nnampuii joo kamaccan, anna te'damo nakatappa'i pangngajaran kasaranian to nakatappa'imo jolona. Dennaa upa' nabarakka'i kamu' Puang Allataala sola ngasan. Padamo jolo' too. Sallangki' mati', Paulus.

2 Timotius 2:18

Te'damo namenturu' lako pangngajaran tongan, na mpalao sala kamatapparanna tau. Mangkadai kumua, ia to katuoan pole' jio mai kamatean mangkami ia jaji.

Ibrani 5:2

Tau biasa joo Imang Lompo na buda caccana ba'tu kakuranganna. Iamora joo nawa'ding nnissen apara naperasai to tompugauk dosa nasaba' te'dapa naissenni to pangngajaran tongan.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 3:14

Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

2 Petrus 3:17

Apa ia to kamu' to kupakamoja' miissen ngasanmo joo. Majaga kamu', danggi' mieloranni joo guru tangtongan mpalao sala kamu', miarannai bata, na te'damo mimatappa'.

Yudas 1:11

Macilaka ngasanni! Mpugaukki kagajatan susi to napugauk Kain. Mpugauk tooi dosa susi to napugauk Bileam, nasaba' madoang bangri kesaro. Dirabunnii nasaba' nnewai Puang Allataala susi to napugauk Korah tonna anu'.