Yakub 5:17 - Alkitab Duri

¹⁷ Ia to Nabi Elia tolino biasara susi kita'. Apa ia tonna tongan-tongannii massambajang nakua danggi' nauran, te'da tongan nauran tallung taun sitangnga masainna.

Yakub 5:17 ပူးပေါင်းရင်းမြစ်များ

Lukas 4:25

La miingaran kumua, ia tonna linona Nabi Elia tonna anu', napebarrangan tallung taun sitangnga, anna karorian la'da' ngasan to tondok. Ia joo wattu buda baine to matemo muanena jio tana Israel.

Jamanna Rasulu' 10:26

Apa natoei Petrus to limanna nakuanni, “Ke'dehko! Tolino bang toda unana' aku'.”

Jamanna Rasulu' 14:15

“Ee kamu' sola ngasan ammimangpasusira tuu? Tolino biasa bang unakan tee susi kamu'! Iari kami' kintee la mpangpeissenanrakan Kareba Kasalamatan lako kamu', dikua ammipatorroi tee apa tangmakkeguna, ammipole lako Puang Allataala to tuo, to mpaden langi' sola lino na tasik na sininna toissinna.

Roma 11:2

Te'da natangmpuumma'i Puang Allataala to umma'-Na to napilei jolomo. Miissen curitanna Nabi Elia to diuki' lan Sura' Allataala, tonna pangpeasanni to to-Israel lako Puang Allataala. Nakua Nabi Elia,

Pengkitanna Yahya 11:6

Nnampui kuasa mangpabarrang anna pealloan ke mpangpeissenanni pepasan-Na Puang. Ngkuasai too mata wai, nawa'ding mpupenjaji rarai. Wa'ding too ssessa tolino mpake mangrupa-rupa kamaparrisan, umbo-umbo wattu nakabudai.