Yakub 5:16 - Alkitab Duri

¹⁶ Iamo joo pada la nnakui kamu' kasalanmi ammisipassambajangan midipamalagah. Liwa' makuasa to peta'da doangna to tonturu' pakkaeloran-Na Puang Allataala.

Yakub 5:16 ပူးပေါင်းရင်းမြစ်များ

Kada Bulawan 15:29

Ia to togaja' te'da Naparinawai Puang Allataala, apa ia to passambajangna tomakassing Napesa'dingngi.

Kada Bulawan 15:8

Ia to passambajangna to tomaruruh penawanna, Natarima Puang Allataala apa Nakaba'ci to passompana togaja'.

Kada Bulawan 28:9

Ia to tocia' nturu' atoran-Na Puang Allataala, Nakako'do' Puang Allataala to passambajangna.

Matius 21:22

Apa to mipeta'da ke massambajang kamu', la diben kamu', ke matappa' tongan kamu'.”

Matius 3:6

na pada nnakui dosana, najio'i Nabi Yahya jiong Sa'dan Yordan.

Markus 1:5

Buda tau ratu jio mai tana Yudea na kota Yerusalem mpesa'dingngi pangngajahna Nabi Yahya. Na pada nnakui dosana, najio'i Nabi Yahya jiong Sa'dan Yordan.

Lukas 9:6

Ia tonna mangkamo Puang Isa mbenni pepasan, malemi to anak gurun-Na mpasitarruh-tarruh kampong mpangpeissenanni to Kareba Kasalamatan. Na mpamalagah too tomasaki.

Yahya 9:31

Taissen kumua te'da napesa'dingngii Puang Allataala to tompugauk dosa, apa iara napesa'dingngi to tossompai sola mpugauk pakkaeloran-Na.

Jamanna Rasulu' 10:38

Miissenmo kumua ia joo Puang Isa to-Nazaret mangkamo napilei Puang Allataala, naben tooi Roh Allataala sola kuasa. Miissen toomo kumua tuli malei mpugauk kameloan umbo-umbo nanii, na nnula'i setang lan mai kalena tonatamai, nasaba' Puang Allataala ssolanni.

Jamanna Rasulu' 19:18

Buda tomatappa'mo lako Puang Isa ratu mangngaku jio olona tobuda, nnakui panggaukan salana to wattu pura diboko'.

Jamanna Rasulu' 8:24

Napebalii Simon nakua, “Tulungna' dikka', mipassambajanganna' lako Puang, anna moi mesa' to mipaunna, te'da la jaji lako kaleku'.”

Roma 3:10

Susi to diuki' jolomo lan Sura' Allataala kumua, “Moi mesa' te'da tau mpugauk pakkaeloran-Na Puang Allataala,

Roma 5:19

Memmadosai to tolino, nasaba' mesa' tau te'da nanturu' pakkeloran-Na Puang Allataala, iamo to Nabi Adam. Susi toomi ia to tolino dipupenjaji tomeloi, nasaba' mesa' tau nturu' pakkaeloran-Na Puang Allataala, iamo to Almaseh.

Kolose 1:9

Iamo joo tongkisa'dingngi to apa jaji lako kalemi, kipassambajangan tarruh kamu' lako Puang Allataala, kumua ammisannissen-nissennai to pakkaeloran-Na ammiampa' tooi to sininna kapaissenan to pole jio mai Roh Allataala.

1 Tesalonika 5:17

Mituli massambajang.

1 Tesalonika 5:23

Dennaa upa' na Puang Allataala, to mpangbengan kamasannangan, mpupenjaji kamu' tau mesan-Na, na dennaa upa' na Ia njagai to penawammi, tangngahmi, na panggaukanmi nadanggi' mikasalan nate'da caccami, ke ratu pole'i Puangta' Puang Isa Almaseh.

1 Tesalonika 5:25

Ee, tomala'bihku' sola ngasan. Pellao doangankan!

Ibrani 11:4

Napassompanni Habel lako Puang Allataala to karoba la'bih melo na ia to karobanna Kain, sanga matappa'i. Susi too ia joo Habel napangpeissenan Puang Allataala kumua tomelo, sanga matappa'i. Manassa joo sanga natarimai Puang Allataala to karobanna. Masaimi matena Habel, apa susi kumua mangkada unapi tee too, sanga matappa'i.

Ibrani 11:7

Napugaukki Nabi Nuh to apa nasuanni Puang Allataala, sanga matappa'i. Napauanni Puang Allataala apa to la jaji to te'dapa nakitai. Mengkaturu'i Nabi Nuh lako Puang Allataala anna kabua' mesa' kappala' dikua napasalama'i sintong repokkona. Susimi joo tonna disessamo to tolino, apa ia to Nabi Nuh napupenjaji tomelo Puang Allataala, sanga matappa'i.

Ibrani 12:13

Maruruh kamu' nturu' Puang, anna te'da naden tau cia'mo matappa', apa mawatangngi matappa'.

Ibrani 13:18

Pellao doangankan. Kikatappa'i kumua melo to lan penawangki', sanga tuli madoangkan mpugauk kameloan.

Yosua 10:12

Ia tonna ben-Mi PUANG Allataala kapataloan to to-Israel, meta'dami Yosua lako PUANG Allataala jio olona to-Israel namangkada nakua, “Ee mataallo, tatta'ko jao patunna Gibeon. Na iko bulan, danggi' mellele jao patunna Lombok Ayalon.”

1 Petrus 2:24

Almasehra Ia mperasai kamaparrisan jao kaju sitamben nasaba' dosata', antala'pah jio mai kuasa dosa, antaturu' too pakkaeloran-Na Puang Allataala. Napamalagahki' nasaba' kamaparrisan-Na Almaseh jao kaju sitamben.

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.