Yakub 5:11 - Alkitab Duri

¹¹ Disanga tomasannang sanga sabbara'i. Misa'dingmo to kasabbarasanna Nabi Ayub, misa'ding toomo kumua undinna nabarakka'i Puang. Sanga melo penawan-Na Puang Allataala na liwa' kamamasean-Na.

Yakub 5:11 ပူးပေါင်းရင်းမြစ်များ

Daniel 9:9

Apa Kita'mo Puang Allataala to kisompa, to nnaddampangankan sola ngkamaseikan, moi na kinnewa parenta-Ta'.

Yunus 4:2

Massambajangmi lako Puang Allataala nakua, “Oo PUANG, namangka memanmo kupau ba'tu piran jio kampongku' kumua nang la Tasullei akkatta-Ta'. Iamo joo kupalai lako kota Tarsis, nasaba' kuissen kumua Kita'mo Allataala to mamase na mangpakamoja', liwa' sabbara' na te'da napaja to pangpakamoja'-Ta' antasullei akkatta-Ta' te'da Tasessa tau.

Lukas 1:50

Napangpekitanmi to kamamasean-Na lako mangpapa'-papa' bati' to ngkasiri'i.

Lukas 11:10

Nasaba' ia to tometa'da lako Puang Allataala, la diben, na ia to tonnangahhi, la naampa', na ia to tomangdedek la ditimbakan bola.

Lukas 6:36

Mamase kamu', susi Ambe'mi Puang Allataala mamase!”

Roma 2:4

Ba'tu te'daraka miangga'i to kamamasean-Na Puang Allataala, kameloan penawan-Na na kasabbarasan-Na to napakitan kamu'? Miissen kumua madoangri Puang Allataala ke mengkatoba' kamu', iamo joo napemeloan kamu' penawa.

Efesus 1:6

Pakala'bihhi Puang Allataala, nasaba' pangpakamoja'-Na to te'da susinna. Manassa to pangpakamoja'-Na, nasaba' nabenmiki' Anak to napakamoja'.

Efesus 2:4

Apa mamase na mangpakamoja' to Puang Allataala te'da susinna.

Ibrani 10:39

Ia tee kita' tangngiamiki' to tolamembalik pole' antamasolang, sibalikanna tomatappa'miki' lako Puang Allataala antadipasalama'.

Ibrani 3:14

Sanga kita' ngasanmo nnampa' barakka' jio mai Almaseh, ke matappa' tarruhki' susi tontamane' matappa' ratu lako ssalainta' lino.

Ibrani 3:6

Apa Anak to Almaseh to dipabarakkanni jaman ntulung sininna taun-Na Puang Allataala. Na kita'mo tee to taun-Na, ke da'tanki' matappa' sola da'tanki' mangrannuan lako manda Puang Isa.

Yakub 1:12

Masannang to tatta' matappa', nasaba' te'da namadoang dipatuju sala mpugauk dosa. Sanga la ntarima pahalana, iamo to katuoan melo mangka napasadia Puang Allataala lako to tompakamoja'i.

Yakub 1:2

Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

1 Petrus 1:13

Jaji, pasadia meloi to penawammi, sanga ia joo apa mangka napugauk Puang Allataala. Ta'tanni kalemi, miparannuan tonganni joo barakka' la diben kamu' ke ratu pole'mi Puang Isa Almaseh.

1 Petrus 3:14

Moi ammiperasai kamaparrisan sanga nturu' kamu' pakkaeloran-Na Puang Allataala, apa sitonganna masannang kamu'! Danggi' mikalaja'i to tompakario-rio kamu', danggi' too mipuselangngi.

2 Petrus 2:9

Jaji, naissenmo Puang Allataala to apa la napugauk mpasalama' taun-Na ke maparri'i. Naissen too Puang Allataala ntarungkui to togaja' anna sessai ke Kiama'mi lino.