Yakub 4:4 - Alkitab Duri

⁴ Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

Yakub 4:4 ပူးပေါင်းရင်းမြစ်များ

Matius 12:39

Mebalimi Puang Isa nakua, “Takkaliwa' gaja' natangmatappa' tee tau too allo. Napeta'dai kumua la kupakitanpi tanda mejangngaran, namane' la ngkatappa'ina'. Apa ia manda tanda la dipakitanni susi to apa jaji lako Nabi Yunus.

Matius 16:4

Takkaliwa' gaja' natangmatappa' tee tau too allo! Napeta'dai kumua la kupakitanpi tanda mejangngaran, namane' la ngkatappa'ina'. Apa ia manda tanda la dipakitanni susi to apa jaji lako Nabi Yunus.” Ia tonna mangkamo Puang Isa mangkada susi joo, malemi ssalai joo tobuda.

Matius 6:24

Te'da tau ngkullei mengkaunan lako dua puanggawa, sanga la nakabudai ia to mesa' na ia to laenna nakaba'ci, ba'tu la napangjaman tongan-tongan to mesa' na ia to laenna makuttui mpangjamanni. Susi too kamu', te'da mikullei nturu' pakkaeloran-Na Puang Allataala, ke kasugiran lino manda miangah.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Yahya 15:19

Ia ke la taunna kamu' totangmatappa', tantu nakabudai kamu'. Apa tangngiamo kamu' taunna, sanga mangkamo kamu' kupilei lan mai tangnga-tangngana totangmatappa', iamo nakaba'ci kamu'.

Yahya 17:14

Kupauanmi to kadan-Ta'. Iamo joo nakaba'cii totangmatappa', nasaba' tangngia taunna, susi Aku' tangngia toona' taunna.

Yahya 7:7

Te'da apa napusaba' tee tolino la ngkaba'ci kamu'. Apa ia ke Aku' nakaba'cimo', nasaba' tuli kukuanni kumua gaja' panggaukanna.

Roma 5:10

Ia tonna jolona siewaliki' Puang Allataala. Moi nasusi joo, dipasikalino pole'miki' Puang Allataala, sanga kamatean-Na Anak. Apa pole'raka tee too, ke sikalino pole'miki' Puang Allataala, tantumo la dipasalama'miki', nasaba' katuoan-Na Almaseh.

Roma 8:7

Ia to tonakuasai kamadoangan penawanna, iamo tosiewali Puang Allataala, sanga te'da naturu' atoran-Na Puang Allataala, nasaba' tangnakullei.

1 Korintus 1:20

Ia ke susii joo, te'damo bua'na to tomacca, guru agama sola to buda paissenna lan tee lino. Napangpekitanmo Puang Allataala kumua ia to kapaissenanna tolino te'da lalo angga'na.

1 Korintus 1:21

Sanga moi samatumbanna macca to tolino, te'da nakullei nnissen Puang Allataala mpake kamacanna. Apa macca to Puang Allataala. Iamo joo naeloranni dipangpeissenan to Kareba Kasalamatan, to nasanga tolino curita tangtongan, anna pasalama'i to tongkatappa'ii.

Galatia 1:10

Na umbo nakua, pangkabudaian tolinoraka to kuangah? Te'da, apa pangkabudaian-Na Puang Allataala. Ba'tu nnangahra'ka lalan dikua nakabudaina' tolino? Ia ke nnangah unapa' lalan dikua nakabudaina' tolino, manassa tangngiana' taun-Na Almaseh.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.