Yakub 3:17 - Alkitab Duri

¹⁷ Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

Yakub 3:17 ပူးပေါင်းရင်းမြစ်များ

Kada Bulawan 2:6

nasaba' Puang Allataala mbenki' kamaccan, na pole jio mai kadan-Na to kapaissenan sola kamapahangan.

Daniel 1:17

Allataala mbarakka'ii kapaissenan joo appa' kallolo anna macca nnissenni to mangrupa-rupa pangnguki' na mandalan pangtangngaranna lan sininna pangngajaran to diajaranni. Apa ia to Daniel Nabarakka'i pole'pa Allataala kapaissenan la mbattuananni tindo sola mpamanassa pengkita.

Matius 23:28

Susi toda kamu'. Ia ke dikitai, melo sipa'mi lako padammi rupa tau, apa lan penawammi kagajatan manda ponno sola kamajekkongan.”

Matius 5:8

Masannang to tomaruruh penawanna, nasaba' la ngkita Puang Allataala.

Matius 5:9

Masannang to tau mpasikalino padanna rupa tau, nasaba' la disanga anakka-Na Puang Allataala.

Lukas 21:15

Aku' kalena la mben kamu' kapaissenan umbo mikua la mebali, anna te'da nakullei ewalimmi mbalii iarika mpasalai apa to mipau.

Lukas 6:36

Mamase kamu', susi Ambe'mi Puang Allataala mamase!”

Yahya 1:14

Ia joo Kada mentolinomi namari'pihmi lan tangnga-tangngata'. Takitamo to kamala'biran-Na, to natarima jio mai Ambe' sanga Ia Anak tungga'-Na. Iamo joo Anak mpamanassa tonganni to Puang Allataala sola pangpakamoja'-Na.

Yahya 1:47

Malemi Natanael lako Puang Isa. Ia tonna kitami Puang Isa to Natanael nakuamo mpaui, “Inde'mi to tomassipa' to-Israel tongan, te'da lalo pangnguraga lan kalena!”

Jamanna Rasulu' 11:24

Ia joo Barnabas to melo penawa, nakuasai Roh Allataala, namatappa' tongan too, iamo nabuda tau memmatappa' lako Puang.

Jamanna Rasulu' 9:36

Den mesa' baine jio kota Yope disanga Tabita. (Lan basa Yunani disanga ia Dorkas, battuananna jonga.) Matappa'mo lako Puang Isa. Melo panggaukanna na ntulung tomakario-rio.

Roma 12:18

Pengkulleii, ke wa'dingngi, misikalino ngasan tau.

Roma 12:9

La sipakamoja' tongan kamu'! Kaba'cii to kagajatan, mipengkulleii to kameloan.

Roma 15:14

Ee, tokupusile'to! Kukanassai kumua buda kameloanmi, na miissen melo to pangngajaran-Na Puang ammiwa'ding nnajahhi tau laen.

1 Korintus 12:8

Den tau naben barakka' kamatongkoan mangkada, na den too to tau naben barakka' kamaccan mpamanassai to kadan-Na Puang Allataala. Mesa'ra Roh Allataala to mbenni.

2 Korintus 10:1

Den ba'tu pira-pira tau lan tangnga-tangngami ssangana' kumua, baranina' ke sikambelaki', porrokanna' ke sioloanki'. Apa ia tee aku' melo penawangku' na tangmakarrah toona' susi Almaseh meta'dana' lako kalemi kumua,

2 Korintus 6:6

Manassa kumua tonasuakan Puang Allataala, sanga mpugaukkan kamarurusan, buda kapaissenan nabenkan Puang, sabbara'kan sola melo penawangki', torro to Roh Allataala lan kaleki', mangpakamoja' tongankan,

2 Korintus 7:11

La mipikkiri' meloi to assele'na kamassean to miperasai situru' pakkaeloran-Na Puang Allataala! Ia to assele'na kumua ammipengkulle-kullei mpangkadanan kalemi, mikaba'ci dosa, mikasiri' Puang, mikamali'kan, masumanga' kamu', barani kamu' ssessai to tokasalan. Ia ngasanmo tee minii mpangpekitanni kumua te'da mikasalan.

2 Korintus 9:10

Puang Allataala mpasadianni banne to tomangngamboh sola kande la nakande. Susimi joo napasadian kamu' apa to miparalluinna, nabarakka'i to pangpabenganmi anna mangngassele' melo.

Efesus 5:9

Panggaukan melo, maruruh na tongan pole jio ngasan mai Puang.

Filipi 1:11

na melo tarruh sipa'mi, nasaba' Puang Isa Almaseh, anna dipakala'bih to Puang Allataala.

Filipi 4:8

Ee, tomala'bihku' sola ngasan! Mangkatampakanna, la mipallan penawai sininna to pangngajaran tongan, sininna to mala'bih, sininna to maruruhna, sininna to tangkasalan, sininna to maballona, sininna to melona disa'ding, to mangpamasannang sola sipato'na dipuji.

Kolose 1:10

Ianna susimo joo, ia to sipa'mi la situru' pakkaeloran-Na Puang Allataala anna pumasannangngi penawan-Na. Susinna, mipugaukki to mangrupa-rupa kameloan, misannissen-nissennai to Puang Allataala,

1 Tesalonika 2:7

Sitonganna te'da kisala ke kipeta'dai kamu' apa, sanga rasulu'-Nakan Almaseh. Apa mangpakamoja'kan tongkilan tangnga-tangngami, susi mesa' indo to mpemajampangngi anakkana.

1 Timotius 5:21

La nakita Puang Allataala, Puang Isa Almaseh na malaeka'-Na to napilei, kumeta'da tongan lako iko, ammuturu'i tee mangka kupauanko, danggi' mukabataii moi mesa' tau na te'da too la mupasilaenan.

2 Timotius 2:24

Ia to tau mpangjaman Puang Allataala tangsipato' massipekka, apa la mangkada melo lako sininna rupa tau, macca mangngajahhi na sabbara',

Titus 1:15

Ia to tomangpenawa melo, melo too ia panggaukanna. Apa ia to tomangpenawa gaja' na tangmatappa', te'da namelo panggaukanna. Gaja' pangtangngaranna na te'da naissenni umbonna to melo ba'tu gaja'.

Titus 3:2

danggi' pau gaja' tau, danggi' massipura, apa la mabassa na mangkada rampa' too lako sininna rupa tau.

Ibrani 12:11

Ia ke dipabalahhiki', te'da tapumasannangngi joo pangcalla na mepa'dikan penawa. Apa undinna joo, ia to kita' mangkamo dipabalahhi, nturu'miki' pakkaeloran-Na Puang Allataala, na mperasaimiki' kamasannangan.

Ibrani 12:14

Mipengkulle-kullei sikalino ngasan tau. Mipengkulle-kullei tooi mpupengkaunan kalemi lako Puang Allataala, sanga ia ke te'da nasusi joo to sipa'mi, te'da mikullei ngkita Puang.

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Yakub 1:5

Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 2:13

Ianna te'da takamasei padanta' rupa tau, te'da toda nakamaseiki' Puang Allataala ke dibicaraki'. Apa ia antakamasei padanta' rupa tau, te'da nalasessaki' Puang Allataala ke Kiama'mi lino.

Yakub 2:4

Ia ammimangpasusi joo, mpasilaenanmo kamu' padammi rupa tau na ia to panggaukanmi susi panggaukanna tomangra'tah kara-kara majekkong.

Yakub 3:15

Ia to kamaccan susi joo te'da napole jao mai suruga apa pole jiori mai tee lino, jio mai pangkabudaian gaja'na tolino, jio mai setang.

Yakub 4:8

Mandoppi' kamu' lako Puang Allataala, nalamandoppi' too lako kalemi. Ee, kamu' tomadosa! Danggi'mo mipugauk dosa. Na kamu' tomangdua penawa, pemeloi sipa'mi.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

1 Petrus 2:1

Iamo joo danggi'mo mipugauk bangngi to panggaukan gaja', danggi' mimangnguraga, danggi' mianggai'-gai'ri messipa' melo. Danggi' mimasere ati sola mpau gaja' tau.

1 Petrus 2:18

Ee, kamu' to kaunan! Mangpesa'ding kamu' lako puangmi na la mikasiri'i, te'da na lako manda tomelo penawanna na mabassa, apa lako too tomaparrang.

1 Yahya 3:18

Ee, tokupuanak! Danggi' na jio mandara timu, ba'tu kadanta' mandara to pangpakamoja'. Apa nang la mangpakamoja' tonganki', to pajan jio panggaukanta'.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.