Yakub 3:16 - Alkitab Duri

¹⁶ Sanga umbo-umbo nanii topangngimburuan na tossanga kalena ia manda tau, jio toomo nanii kamaricuan na sininna panggaukan gaja'.

Yakub 3:16 ပူးပေါင်းရင်းမြစ်များ

Markus 3:25

Na ia to tosangbola, ke te'da namesa' penawa, tantu te'da namasai nasisarak-sarak.

Jamanna Rasulu' 19:29

Marongka ngasanmi to tau lan joo kota. Najokkoi to Gayus sola Aristarkhus, nagararakki tama panggoloran lan joo kota. (Ia to Gayus sola Aristarkhus to-Makedonia nasolan Paulus lan kalingkanna.)

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

1 Korintus 14:33

Nasaba' iara nakabudai Puang Allataala to karapasan, tangngia kamarongkan. Susi to biasanna dipugauk ke sirempunni to tomatappa' umbo-umbo nanii,

1 Korintus 3:3

sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

Galatia 5:20

ssompa dewata, pangngissenan, kasisakkan, siallang, mangngimburu, kamabirisan, ngkitan mesa kale, te'da namesa' penawa, mpasisala tau,

Yakub 3:14

Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

1 Yahya 3:12

Te'da tawa'ding susi Kain nturu' pakkaeloranna Ballisi' arannai mbuno Habel adinna. Ciapari nabunoi Kain to adinna? Nasaba' meloi to panggaukanna adinna, na gaja' ia to panggaukanna Kain.