Yakub 2:25 - Alkitab Duri

²⁵ Kitai Rahab, mesa' baine bandarang. Ia tuu lako mata-matanna to-Israel tonna anu' natarima melo Rahab, napakitanni lalan laen naolai mpala'pah kalena. Iamo natarima meloi Puang Allataala joo Rahab nasaba' panggaukan melona.

Yakub 2:25 ပူးပေါင်းရင်းမြစ်များ

Matius 1:5

Salmon njajian Boas (disanga Rahab to indona), Boas njajian Obed (disanga Rut to indona), Obed njajian Isai,

Matius 21:31

Jaji, umbonnara joo to sile'to sola duai to nturu' kadanna ambe'na?” Mebalimi tuu lako kapala imang sola pekaamberan to-Yahudi nakua, “Ia to kakanna.” Nakuamo Puang Isa, “La miissen kumua ia to passassung sola tuu lako baine sala kedo la la'bih marawa menjaji umma'-Na Puang Allataala na kamu'.

Jamanna Rasulu' 17:7

napupangbongii Yason jio bolana. Ia tee tau te'da nakasiri'i to parentana Tomaraja Roma, sanga nakua ia kumua, denpa ia raja laen disanga Puang Isa.”

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”

Yakub 2:22

Jaji manassa kumua iapi natongan to kamatapparan ke dipasiolananni panggaukan.

Yakub 2:24

Jaji manassamo lako kamu' kumua natarima Puang Allataala to tau sanga panggaukanna, tangngia sanga kamatapparanna manda.

Yosua 2:1

Ia tonna torro mangtenda jio Sitim to to-Israel nasuami Yosua dua tau male mmata-matai tana Kanaan nakuanni, “Male kamu' mmata-matai tana Kanaan lalopa kota Yerikho, apa danggi' naden tau nnissenni to karatuanmi.” Malemi sola dua. Ia tonna ratumo lako kota Yerikho, leppang lakoi bolana mesa' baine bandarang disanga Rahab, namangbongi jio.

Yosua 2:15

Ia to sangbalinna bolana Rahab mpurinding tembo' kota na den pentiroanna. Iamo nanii Rahab ntulungngi joo dua mata-mata mellao mpake ulang.

Yosua 2:16

Nakuamo Rahab ngkuanni, “Nnola de' kamu' buntu, danggi' misitammu, najokko a kamu'. Membuni kamu' jao tallung allo, agipa pole boko' joo tonnangah kamu'.”

Yosua 2:4

Apa nabunii Rahab jolo' joo dua tau jao lata' bola mangpenduan to ditembo', nasamboii batang rami to mukkun dipemakasei, namane' male ssitammuanni joo tau nakua, “Den tongan ia tau ratu inde' bolaku', apa te'da aku' kuissenni topole umbori ia. Ia tonna la malillinmo nnena' tonna te'dapa nadisalli' to babangan kota, malemi ia, na te'da too kukutanaii kumua la male umbori. Mbai midete' unapa ke ta'pa male kamu' nnula'i.”

Yosua 6:17

La dilanynya'i ngasan tee kota sola sininna issinna, menjaji passompan lako PUANG Allataala. Ia mandara joo Rahab mesa' baine bandarang te'da naladipatei, nasaba' mangkami ntulung mata-matanta'. Moi to sininna tau llan bolana te'da too naladipatei.