Yakub 2:21 - Alkitab Duri

²¹ Kita bangmi Nabi Ibrahim tojolota'. Natarima melo Puang Allataala sanga panggaukanna tonna la mpangkarobanni to anakkana disanga Ishak lako Puang Allataala jao ngenan pangkaroban.

Yakub 2:21 ပူးပေါင်းရင်းမြစ်များ

Matius 12:37

Nasaba' kadammi kamu' to la mpattantui kumua salara kamu'ka ba'tu te'daraka.”

Matius 3:9

Danggi' misangai kumua te'damo miladicalla, nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Lukas 1:73

Massapahmo lako Nabi Ibrahim, ambe' tojolota', kumua la napasalama'ki' jio mai ewalinta', anna te'damo tamalaja' ssompai,

Lukas 16:24

Metambami nakua, ‘Oo ambe', Nabi Ibrahim, kamaseina'! Tasuapi dikka' tuu Lazarus nao'tonni to jarinna do' wai, nacakka'ii to lilaku', nasaba' tangkusaramo to lussunna tee api.’

Lukas 16:30

Nakuamo joo tosugih, ‘Ie', te'dapa kita' naganna' joo. Apa ia ke denni tomate pole mpauanni, manassa la mengkatoba'i.’

Yahya 8:39

Mebalimi joo tau nakua, “Nabi Ibrahim to ambe'ki'!” Nakua Puang Isa, “Ia ke la anakkana tongan kamu' Nabi Ibrahim, tantu ia toomo la mipugauk to napugauk.

Yahya 8:53

Ia to tojoloki' Nabi Ibrahim mangkamo mate, sola to sininna nabi mangka toomo mate. Indara tapapadanni to kale-Ta'? Te'da antalala'bih matonggo na ia to Nabi Ibrahim!”

Jamanna Rasulu' 7:2

Napebalii Stefanus nakua, “Tabe' lako to tomala'bihku' sola ngasan, pekaamberan agama, pekaamberan to-Yahudi na guru agama! Tapesa'dingngi meloi! Ia tonna torro jio unapa tana Mesopotamia to tojolota' Nabi Ibrahim, te'dapa namellele lako kota Haran, ratui to mala'bih, Puang Allataala,

Roma 3:20

Te'da ia tau napupenjaji tomelo Puang Allataala, ke mpugaukki atoran agama. Sibalikanna ia to atoran agama napakitanriki' to dosata'.

Roma 4:1

Ia ke susii joo, apara la takua to jaji lako Nabi Ibrahim tojolota'?

Roma 4:12

Susi too lako todisunna', napuambe' too to Nabi Ibrahim, ke matappa' tooi lako Puang Allataala susi kamatapparanna Nabi Ibrahim tonna te'dapa nadisunna'.

Roma 4:16

Jaji ia joo basse menggaronto' lako kamatapparan, dikua namanassa kumua dipangben situru' kameloan penawan-Na Puang Allataala. Na ia ke napangbenni situru' kameloan penawan-Na, manassa la napugauk. Ia joo basse dipatuju lako ngasan bati'na Nabi Ibrahim, tangngia lako manda todiben atoran agama, apa ia ngasan to tomatappa' lako Puang Allataala, susi kamatapparanna Nabi Ibrahim, to tapuambe' sola ngasan.

Ibrani 11:17

Napassompanni Nabi Ibrahim to Ishak lako Puang Allataala susi karoba sanga matappa'i, tonna ujii Puang Allataala kumua matappa' tonganrika ia. Mangkamo Nabi Ibrahim nabassean Puang Allataala, “Bati'na manda Ishak to disanga bati'mu situru' basse-Ku'.” Moi nasusi joo, apa canning atinna Nabi Ibrahim napassompanni joo anak tungga'na.

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”

Yakub 2:24

Jaji manassamo lako kamu' kumua natarima Puang Allataala to tau sanga panggaukanna, tangngia sanga kamatapparanna manda.

Yosua 24:3

Apa Kutambaii to Ibrahim, tojolomi, jio mai joo kampong, Kusuai male llingkaii tee sininna tana Kanaan. Kubenni buda bati', Kubenni anak, iamo to Ishak.