Yakub 2:19 - Alkitab Duri

¹⁹ Mukatappa'i kumua mesa'ra to Puang Allataala. Tongan tuu! Na moi sininna setang napangngakui too joo. Iamo mbe'beran malaja'.

Yakub 2:19 ပူးပေါင်းရင်းမြစ်များ

Yunus 4:4

Apa nakua PUANG Allataala, “Te'da musipato' mpumabirihhi joo.”

Yunus 4:9

Apa nakua Puang Allataala ngkuanni, “Te'da iko musipato' mabirih nasaba' malajui tuu tananan!” Mebalii Nabi Yunus nakua, “Anna la te'da ora? Sipato'na' gaja birih ratu lako mateku'!”

Matius 8:29

Metamba-tambami nakua, “Anak Allataala! La tapatumbamorakan tee? La ratumiriki'ka la ncallakan, na te'dapa nawattunna?”

Markus 1:24

“Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Markus 12:29

Mebalimi Puang Isa nakua, “Ia joo parenta-Na Puang Allataala to kaminang parallu susi tee: ‘Ee to-Israel, pesa'dingngii! Mesa'ra to Puangta' Puang Allataala.

Markus 5:7

Nasuai Puang Isa joo setang, nakua, “Ee, setang, messunko lan mai tee tau!” Metambai joo setang nakua, “Oo, Puang Isa, Anak Allataala to kaminang makuasa! La tapatumbamora' tee? Nakitana' Puang Allataala, meta'dana' danggi' dikka' tacallana'!”

Markus 7:9

Nakuanpa Puang Isa, “Wah, liwa' macca kamu' tangnturu' parenta-Na Puang Allataala, na ia ora mituru' tongan to atoran migaraga kalena.

Lukas 4:34

“Oo, Puang Isa, to-Nazaret, la mupatumbamorakan? Raturokoka la ssabu'ikan? Kuissen kumua indaroko. Ikomo pesua mattantun-Na Puang Allataala!”

Yahya 17:3

Iamo tee to katuoan melo te'da cappa'na, ke naissen tonganmiki' tau kumua Kita'mo Puang Allataala tongan, anna issen toona' kumua Aku'mo Puang Isa Almaseh to mangka tasua.

Jamanna Rasulu' 16:17

Meundi tarruh bang lako kami', metamba nakua, “Ee! Ia tee mai tau kaunan-Na Puang Allataala to kaminang matande. Ratui mpauan kamu' umbo dikua ammisalama'.”

Jamanna Rasulu' 19:15

Apa nakua ori joo setang, “Ee, kuissen to Puang Isa, moi Paulus kuissen too, apa ia to kamu', inda kamu'?”

Jamanna Rasulu' 24:25

Apa mpatarruhhi kadanna Paulus nakua, “Nang la mpugaukki' kameloan, ntaloi penawa katolinoanta', nasaba' ia ke Kiama'mi lino, la dira'tah kara-karana tolino.” Ia tonna sa'dingmi joo malaja'mi Gubernur Feliks nakua, “Aa, polemoko too! Ianna den wattungku', iapa kutambai pole'ko.”

Roma 3:30

nasaba' mesa'ra to Puang Allataala. Iamo mpupenjaji tomeloi to to-Yahudi, ke matappa'i. Na ia toomo mpupenjaji tomeloi to bangsa tangngia to-Yahudi, ke matappa'i.

1 Korintus 8:4

Ia to juku' mangka dipassompan lako dewata, wa'dingraka dikande ba'tu te'daraka? Taissen kumua te'da ia dewata kepenawa, sanga mesa'ra Puang Allataala na te'da laenna,

1 Korintus 8:6

Apa ia ke kita', mesa'ra Puang Allataala. Iamo to Ambe' Puang Allataala to mpadenni to sininna apa, na ia to katuoanta' tapatuju lako kale-Na. Mesa' toora Puang, iamo joo Puang Isa Almaseh. Sininna apa dipaden nasaba' Ia. Ia too mpusaba'i antatuo.

Galatia 3:20

Jaji ia to atoran agama dipauan tolino mpake passumbungan kada. Apa ia to basse lako Nabi Ibrahim Puang Allataala Ia mpaui.

1 Timotius 2:5

mesa'ra to Puang Allataala, na mesa' toora tau mpasikalino Puang Allataala na tolino, iamo to Puang Isa Almaseh,

Yakub 2:8

Tongan to mipugauk, ke mipugaukki to atoran kaminang parallu to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu.”

Yudas 1:4

Gaja parallu joo, nasaba' denmo guru tangtongan mentama buni tangnga-tangngami. Nakua kumua, “Pada-padaki' tomatappa'”, apa sitonganna cia'i mengkaturu' lako Puang Allataala. Nakua too kumua, “Wa'ding bangki' manggauk sala situru' pakkaeloran penawanta', sanga mangpakamoja' to Puang Allataala.” Iamo carana mbalik salai to pangngajaran pangpakamoja'-Na Puang Allataala. Te'da too natarimai to Puang Isa Almaseh kumua Ia manda mesa-mesanna Puangta' to makuasa. Ia joo guru tangtongan la nasessa Puang Allataala, sanga napau jolo nabi tonna anu' to pangcalla napattantumo Puang Allataala la nalolongan to tau susi joo.

Yudas 1:6

Ingaran tooi to malaeka' tonna anu'. Den ba'tu pira-pira malaeka' cia' ntarimai to kuasa nabenni Puang Allataala, nasalaii to ngenanna jao suruga. Narantei Puang Allataala joo malaeka' te'da cappa'na, napatamai pangtarungkuan kaminang malillin sanadete'na Kiama' to lino to nanii Puang Allataala rra'tah kara-karana.

Pengkitanna Yahya 20:10

Na ia to Ballisi' mangka mpalao salai tuu lako tau, dipembuanganni tama api colo' manglanya-lanya to mangkamo dinii pembuanganni to olok-olok na nabi tangtongan. La dipa'dikki allo-bongi te'da cappa'na.