Yakub 2:14 - Alkitab Duri

¹⁴ Ee, tomala'bihku' sola ngasan! Apara bua'na to tau ssanga kalena tomatappa', ke te'dai napasiolananni panggaukanna? Te'da bua'na, nasaba' kamatapparan susi joo te'da nakulle la mpasalama'i.

Yakub 2:14 ပူးပေါင်းရင်းမြစ်များ

Matius 5:20

Iamo joo, la miingaran kumua, te'da milangkullei menjaji umma'-Na Puang Allataala, ke te'da mila'bih nturu' pakkaeloran-Na Puang Allataala na ia to guru agama sola to-Farisi.”

Lukas 3:11

Mebalimi nakua, “Ia to tonnampui dua baju, la naben mesa' lako to te'da bajunna. Na ia to tonnampui kande la natawa-tawan tote'da kandena.”

Lukas 6:49

Apa ia to tossa'ding kadang-Ku', na te'da napugaukki, iamo dipasusi to tau mpake'deh bola, te'da napajaoi pondasi batu. Wattunna saba' to wai ratu ntumpai, ta'pa ro'pokmi!”

Jamanna Rasulu' 15:9

Te'da napasilaenanki' Puang Allataala na bangsa laen, nadampangan too ke matappa'i.

Jamanna Rasulu' 8:13

Moi Simon memmatappa' todai, na ia tonna mangka dijio' ta'pa malei nturu' Filipus. Takkajanna'i ngkitai to tanda mejangngaran.

Jamanna Rasulu' 8:21

Te'da iko musipato' nturu'i tee jamanki', sanga te'da iko mumalampu' lako Puang Allataala.

Roma 2:25

Ia ke mituru'i to atoranna Nabi Musa, ia to sunna'mi den too bua'na. Apa ia ke te'da mituru' tonganni, te'da lalo bua'na tuu sunna'mi.

1 Korintus 15:2

Na ia ke mituru' tarruhhi susi to kupangpeissenan, la napasalama' kamu'. Apa ia ke te'da mituru'i, te'da bua'na to kamatapparanmi.

1 Korintus 16:22

Ia to tocia' mpakamoja' Puang, ake'mo ditampakki ropu! Maranata, battuananna ratumiki' Puang!

Galatia 5:13

Ee, tokupusile'to! Nala'paranmo kamu' Puang Isa jio mai atoran agama! Apa danggi' mipake salai to kadila'paranmi mpugauk mangrupa-rupa kagajatan situru' kamadoangan penawammi, apa la situlungra kamu', misipakamoja' too.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

1 Tesalonika 1:3

Mangkurru sumanga'kan sanga kiingaran tarruhhi jio olo-Na Ambe'ta' Puang Allataala to panggaukan melo mipugauk nasaba' kamatapparanmi. Kiingaran too to pangtulungmi lako padammi rupa tau nasaba' pangpakamoja'mi. Kiingaran kumua da'tan kamu' mawatang nnoloi mangrupa-rupa pecoba nasaba' mangrannuan kamu' lako Puangta' Puang Isa Almaseh.

1 Timotius 1:5

Ia to patunna kusuako nnanggaii, dikua namangpenawa melo to tau, nawa'ding nnissenni umbonna to melo ba'tu gaja', namatappa' tongan-tongan lako Puang Allataala, na ia ke susimi joo, wa'dingmi sipakamoja'.

1 Timotius 4:8

Ia ke melajahki' maningo, te'da nabuda bang bua'na, apa ia ke tatta'ki' mpangben kaleta' lako Puang Allataala, makkeguna lan buda passalan, nasaba' ia tee too na jiona ahera' la ntarimaki' katuoan to mangka napau Puang Allataala.

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Titus 3:8

Tongan tee kada mangka kupau. Madoangna' ammupangpangngajaran tonganni sininna joo, dikua anna ia to tomatappa'mo lako Puang Allataala natongan-tongannii mpugaukki to panggaukan melo na den bua'na lako tobuda.

Ibrani 11:17

Napassompanni Nabi Ibrahim to Ishak lako Puang Allataala susi karoba sanga matappa'i, tonna ujii Puang Allataala kumua matappa' tonganrika ia. Mangkamo Nabi Ibrahim nabassean Puang Allataala, “Bati'na manda Ishak to disanga bati'mu situru' basse-Ku'.” Moi nasusi joo, apa canning atinna Nabi Ibrahim napassompanni joo anak tungga'na.

Ibrani 13:9

Danggi' mieloranni to mangrupa-rupa pangngajaran to sisala Kareba Kasalamatan mpatuju sala kamu'. Iara to kameloan penawan-Na Puang Allataala to la mpamawatang penawanta', tangngiara kande. Ia joo atoran kande te'da lalomo bua'na lako tonturu'i.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 2:16

Te'da bua'na ke den kamu' to ngkuanni, “Paela'-ela' bangmoko, dennaa upa' na melo pakeanmu mukumande sabarahna.” Ia ke te'da mibenni to naparalluinna, te'da bua'na joo!

Yakub 2:18

Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”

Yakub 2:26

Mate to batang kale ke te'dai penawa lan, susi toda to kamatapparan to te'da nadipasiolanan panggaukan, mate toda ia, battuananna sitonganna te'da nadisanga kamatapparan.

2 Petrus 1:5

Nabenmo kamu' Puang Allataala joo barakka'. Iamo joo la mipengkulle-kullei na ia to kamatapparanmi la mipapajan lan sipa' melomi. Na te'da na ia manda to kumua la messipa' melo kamu', apa la miissen tongan too to Puang Allataala.