Yakub 1:27 - Alkitab Duri

²⁷ Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.

Yakub 1:27 ပူးပေါင်းရင်းမြစ်များ

Matius 12:32

Ia ke den tau nnewa kadana' tee Aku', Anak Mentolino, wa'dingpa didampangan, apa ia to toncapa' Roh Allataala, te'damo nawa'ding didampangan, la ia tee too, la jiona ahera'!”

Matius 5:8

Masannang to tomaruruh penawanna, nasaba' la ngkita Puang Allataala.

Lukas 1:6

Ia to sipa'na sola dua napumasannang Puang Allataala, na naturu'i ngasan to parenta-Na na atoran-Na Puang Allataala.

Roma 12:2

Danggi' mikaturu'-turu' bang lako tote'da naissen Puang Allataala. Ake'mo ia na Puang pemeloii to penawammi, ammiwa'ding nnissenni to pakkaeloran-Na, apa to melo na sukku', na apa to nakabudai Puang Allataala.

Roma 2:13

Tangngia tossa'ding manda atoranna Nabi Musa to napupenjaji tomelo Puang Allataala, apa iara to mpugaukki joo atoran.

Galatia 1:4

Ia to Puang Isa mangka mpangben kalena dibuno situru' pakkaeloran-Na Ambe'ta' Puang Allataala, dikua anna dampanganki' to tomadosa, danggi'mo tatuo susi togaja' lan lino.

Galatia 3:11

Manassa te'da tau napupenjaji tomelo Puang Allataala sanga nturu'i atoran agama, susi to diuki' lan Sura' Allataala kumua, “Ia to tau dipupenjaji tomelo sanga matappa'i lako Puang Allataala, iamo la nnampa' katuoan melo te'da cappa'na.”

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Galatia 6:14

Ia tee aku', te'da kulampemajaoi penawangku', apa mpakala'bihna' Puangta' Puang Isa Almaseh to mangkamo mate jao kaju sitamben. Iamo joo ia to tolino na atoranna te'damo bua'na lako aku'. Susi too aku' lako tolino.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

1 Timotius 1:5

Ia to patunna kusuako nnanggaii, dikua namangpenawa melo to tau, nawa'ding nnissenni umbonna to melo ba'tu gaja', namatappa' tongan-tongan lako Puang Allataala, na ia ke susimi joo, wa'dingmi sipakamoja'.

1 Timotius 5:4

Apa ia ke den anakkana iarika ampona, iamo la dipapahangngi, kumua sipato'i la njaranai ba'tu naingaran to penawa melona. Iamo joo napumasannang Puang Allataala.

Titus 2:12

Napake Puang Allataala joo kameloan penawan-Na nnajahhiki', antatorroii mpugaukki to apa tangnakabudai, nadanggi' taturu' kamadoangan gaja'ta' susi to tapugauk tonna te'dapa tamatappa'. Sibalikanna naajahhiki' mandalan tangngah, mpugauk pakkaeloran-Na sola ssompai, ke tuo unapiki' lan tee lino.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

Yakub 3:9

Ia to timu dipake mangkurru sumanga' lako Ambe'ta' Puang Allataala, apa ia toomo dipake ntampakki ropu padanta' rupa tau to napaden Puang Allataala susi Ia.

Yakub 4:4

Ee, kamu' totangnningaranmo pale' Puang! Miissen kumua ia ke mipangbuda-budaii susi to totangnturu' Puang Allataala menjaji kamu' ewalin-Na Puang Allataala. Jaji ia to tolampangbuda-budaii susi joo, iamo mpangpeewalian kalena lako Puang Allataala.

2 Petrus 1:4

Susimi joo carana Puang Allataala mbenki' barakka' liwa' tonggo to te'da nasusian keangga'na, to mangkamo nabasseanki'. Naben kamu' joo barakka' ammimessipa' melo susi sipa'-Na, nadanggi'mo mituru' kamadoangan gaja'. Ia joo kamadoangan gaja' ssolangngi totangnturu' Puang Allataala.

2 Petrus 2:20

Macilaka tuu lako tau! Naissenmo jolona to Puangta' Puang Isa Almaseh, Tomangpasalama'ta', anna la'pahmo jio mai kuasa kamadoangan to ncarepai tolino. Apa mangkai joo nakuasai pole'mi joo kamadoangan anna turu'i. Katampakanna la'bih macilaka tuu lako tau na ia tonna te'dapa naissen Puang Isa.

2 Petrus 3:14

Ee, tomala'bihku' to kupakamoja'! Da'tan una kamu' ntajanni joo wattu, la mipengkulle-kullei sikalino padammi rupa tau anna te'da caccami ba'tu kakuranganmi ke mangngolomo kamu' lako Puang Allataala.

1 Yahya 5:18

Taissen kumua sininna to napuanakmo Puang Allataala te'damo napugauk tarruh dosa, na te'da toomo nakullei Ballisi' mpugaukki moi apa lako kalena, nasaba' naampaimo Anak Allataala.