Yakub 1:26 - Alkitab Duri

²⁶ Ianna den tau ssanga kalena pangngagama, apa te'da najagai timunna, nnuragai kalena, na te'da bua'na mangngagama.

Yakub 1:26 ပူးပေါင်းရင်းမြစ်များ

Kada Bulawan 10:19

Sabuda-budannai kada dipau, nang la den bang salana, apa mandalan pangtangngaranna to tomangpikkiri' jolo' namane' mangkada.

Kada Bulawan 10:31

Ia to tomakassing mpau kada mepamacca, apa ia to pangnguraga la dikerre'i lilana.

Kada Bulawan 14:12

Den tau nasanga melo to apa napugauk, apa cappa'na, mebawa lako kamatean.

Kada Bulawan 15:2

Ia to tomacca mpau kada kapaissenan, apa ia to messun jio timu tobattuk mpapajan kabangosanna.

Kada Bulawan 16:10

Pangra'tah jio mai Allataala to napau raja, iamo nate'da nasala ke mangra'tahhi.

Kada Bulawan 16:25

Den tau nasanga melo to apa napugauk, apa cappa'na mebawa lako kamatean.

Kada Bulawan 19:1

La'biranmo tokaasi-asi apa maruruh penawa, na ia to tobattuk na majekkong.

Kada Bulawan 21:26

Pamula makale' ratu lako karuen ia manda napikkiri' to nakadoangngi, apa ia to tomakassing te'da naanggeii mangpangben lako padanna rupa tau.

Matius 15:9

Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’ ”

Markus 7:7

Te'da bua'na ssompana', nasaba' ia to napangpangngajaran atoran tolino, butung to kumua mpangpangngajaran parenta-Ku'.’

Lukas 8:18

Iamo joo ingaran meloi tee apa misa'ding. Nasaba' ia to tonnampuimo buda apa la dirangngannipa la'bih buda. Apa ia to totangnnampui apa, ia to apa ci'di'mora naampui, la dialai pissen.”

1 Korintus 15:15

Na la manassa kumua topangnguragakan, nasaba' kipangpeissenan kumua mangkamo napatuo pole' Puang Allataala to Almaseh, na te'da pale' ia, ke la tonganni kumua, te'da naladipatuo pole' to tomate!

1 Korintus 15:2

Na ia ke mituru' tarruhhi susi to kupangpeissenan, la napasalama' kamu'. Apa ia ke te'da mituru'i, te'da bua'na to kamatapparanmi.

1 Korintus 3:18

Danggi' lalo naden tau nnuraga kalena. Ianna den tau lan tangnga-tangngami ssanga kalena paissen situru' kapaissenan tolinona, la'biran ke mbangosanni kalena jolo', nawa'ding menjaji topaissen situru' Puang.

Galatia 2:6

Na ia tuu lako pekaamberan jamaa, tokaissenan, moi umbo susi mapangka'na, te'dara silaenanna tee aku', sanga ia to Puang Allataala te'da tau napasilaenan. Moi matumba ia tee mai tokaissenan, te'da nasuana' rrangngannii pangngajaran laen.

Galatia 2:9

Yakub, Petrus, na Yahya direken paloloan lan jamaa. Ia tonna katappa'imi kumua Puang Allataala mpabarakkannina' tee jaman, sisalama'mokan Barnabas sola tuu lako tau, kumua mesa' penawamokan. Ia to aku' sola Barnabas male lakomokan bangsa tangngia to-Yahudi, na ia male lako to-Yahudi mpangpeissenan Kareba Kasalamatan.

Galatia 3:4

Te'daraka bua'na to miperasaimo? Kusanga te'da nasusi joo, apa den ia bua'na!

Galatia 6:3

Ia ke denni tau ssanga bang kalena makkeguna, apa te'da natongan, iamo mbango'-bango'i kalena.

Efesus 4:29

Danggi' mimangkada to napumasolang tau, apa kada mpamasumanga'ra to napumelo to tossa'dingngi anna nnampa' barakka'.

Efesus 5:4

Tangsipato' too kamu' mangkada carepa, mangkada tangkebattuan sola nnamboh bang kada. Apa la mangkurru sumanga'ra kamu' lako Puang Allataala.

Kolose 4:6

Ia ammimangkada la napumasannang to tossa'dingngi. Mebali melo kamu' ke denni tau ngkutanai kamu'.

Yakub 1:19

Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 1:22

La mipugauk to apa mangka napau Puang Allataala, nasaba' ia ammisa'ding mandari to kadan-Na apa cia' kamu' mpugaukki, iamo disanga nnuraga kamu' kalemi.

Yakub 2:20

Te'da tonganpa mupahangngi. Paralluko dipapahangngi kumua te'da bua'na to kamatapparan ke tangsiolananni panggaukan.

1 Petrus 3:10

Den diuki' lan Sura' Allataala kumua, “Ia to tongkabudai katuoan melo te'da cappa'na la najagai to timunna, nadanggi' napaui to apa gaja'. Na ia to madoang masannang, danggi' namangnguraga.