Yakub 1:14 - Alkitab Duri

¹⁴ Apa ia to tau, kamadoangan gaja'nara to mpatuju salai nampugauk dosa.

Yakub 1:14 ပူးပေါင်းရင်းမြစ်များ

Kada Bulawan 4:23

Jagai meloi to penawammu, nasaba' pole llan mai penawammu to mpattantu katuoanmu.

Matius 15:18

Jaji, apa to messun jio timu, pole jio ngasan mai penawa, iamo joo to ncarepai tau.

Matius 15:20

Ia ngasanmo joo to ncarepai tau. Apa ia ke te'da nabasei limanna to tau nakumande, te'da ia naciapa.”

Matius 4:1

Mangkai joo too, napatujumi Roh Allataala to Puang Isa namale de' tangnga padang pallawangan, dikua anna pengkulle-kullei nasede Ballisi' mpugauk dosa.

Matius 5:28

Apa kukuan kamu' kumua, ia to tongkita mesa' baine na madoang nggauk salai, disangami manggauk sala lan penawanna lako joo baine.

Roma 7:11

Ia to kuasa dosa mpaden mangrupa-rupa kamadoangan gaja' lan penawangku', nasaba' atoran. Susimi joo ia to kuasa dosa ngkalasiina' anna bunona'.

Roma 7:13

Ia ke susii joo, la kupumateraka to apa melo, iamo to atoranna Nabi Musa? Te'da nasusi joo! Kuasa dosara ia mpaden kamatean. Na ia to kuasa dosa mpakei to apa melo mbunona', anna pajan kumua liwa' gaja' to dosa.

Efesus 4:22

Midiajahhi kumua la mipatorro to sipa' jolomi. Danggi' mituru' omo kamadoangan gaja'mi to mpalao sala kamu' ammimasolang.

Ibrani 3:13

Jaji, allo-allo kamu' la sipupangngingaran, danggi' naden tau nnuraga kalena mpugauk dosa, mimembattuk. La sipupangngingaran kamu' ke tuo unapa kamu' lan tee wattu to nasanga lan Sura' Allataala, “Ia tee too.”

Yakub 1:13

Ianna den tau dipatuju sala mpugauk dosa, danggi' nakua pole jio mai Puang Allataala joo pangpatuju. Nasaba' te'da nakullei Puang Allataala dipatuju sala la mpugauk kagajatan, te'da too nampatuju sala tau la mpugauk kagajatan.

Yakub 1:15

Ianna paula'i bangngi joo kamadoangan gaja'na, iamo joo mpaden dosa arannai mpusaba' kamatean.