Yahya 9:5 - Alkitab Duri

⁵ Padana' masainna lan lino, Aku'mo arrangna tolino.”

Yahya 9:5 ပူးပေါင်းရင်းမြစ်များ

Matius 4:16

Ia to tote'dapa naissen Puang Allataala, susimo to totuo lan kamalillinan, na ngkitamo arrang-Na Puang Allataala. Ia to tau susimo to totorro lan lino tomate, napubua' dosana, naarrangngimi arrang kasalamatan-Na Puang Allataala.”

Matius 5:14

Kamu'mo to dipasusi arrangna tolino. Ia to kampong jao buntu la pajan ia.

Lukas 2:32

Iamo mpakanassai to pakkaeloran-Ta' lako bangsa tangngia to-Yahudi, na mpaden kamala'biran lako umma'-Ta' Israel.”

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Jamanna Rasulu' 13:47

Sanga susi ia tee to nasuankan Puang Allataala kumua, ‘Pura kupattantumo kamu' menjaji arrang lako bangsa tangngia to-Yahudi dikua ammiparatui to kasalamatan lako lili'na lino.’ ”

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Jamanna Rasulu' 26:23

kumua, ‘Ia to Raja Mangpasalama' nabasse Puang Allataala, la dipakario-rio, apa iamo jolona la tuo pole' jio mai kamatean, dikua anna mbawa arrang, iamo to Kareba Kasalamatan, la lako to-Yahudi la lako bangsa laen.’ ”

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

Pengkitanna Yahya 21:23

Te'da naparallu naarrang allo sola bulan, sanga kamala'biran-Na Puang Allataala na Anak Bembala' nnarrangngi.