Yahya 9:39 - Alkitab Duri

³⁹ Nakua Puang Isa, “Ratuna' tama lino la rra'tah kara-karana tolino, anna ia to tobuta la pakitai, na ia to topakita, la membutai.”

Yahya 9:39 ပူးပေါင်းရင်းမြစ်များ

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.

Matius 15:14

Paboko'i bangmi penawa tuu mati' to-Farisi. Samanna ia tobuta tuu mati'. Na ia ke pada tobutamo sirenden, tantu la melolinni ia do' garuang.”

Matius 6:23

Apa ianna tangmelo to mata penawammi, manassa te'da mipahangngi to pangngajaran tongan. Jaji, ianna pamalillinni Ballisi' to mata penawammi, manassa te'da mipahangngi to pangngajaran tongan.

Lukas 1:79

la nnarrangngi sininna tau, to tuo lan kamalillinan na kamalajatan. Napatujuki' lako lalan to nanii kasikalinoan.”

Lukas 13:30

Buda tau to tangdikasiri' la menjaji todikasiri' keanu'. Na buda tau to dikasiri' tee too la menjaji totangdikasiri' keanu'.”

Lukas 2:34

Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Lukas 4:18

“Nakuasaina' Roh Allataala, nasaba' naangka'mo' la mpangpeissenan Kareba Kasalamatan lako tokaasi-asi. Nasuamo' mpangpeissenan kadila'paran lako toditarungku, mpapakita tobuta, lla'paran todipandasa.

Lukas 7:21

Ia joo wattu napamalagah Puang Isa to mangrupa-rupa sakinna tau, nnula'i buda setang na mpapakita buda tobuta.

Yahya 12:31

Nadete'mi wattunna la dira'tah kara-karana tolino. Ia tee too la dica'beanmo lako salean to Ballisi' to ngkuasaii tee lino.

Yahya 12:46

Ratumo' tama lino susi arrang, dikua na ia to tomatappa' lako Aku', te'damo nalatorro lan kamalillinan.

Yahya 3:17

Nasuai Puang Allataala to Anak mentama lino, te'da anna la sessai to tolino, apa la napasalama'ri.

Yahya 3:19

Iamo tee dinii mpasalai to tolino kumua ratumo tama lino to arrang nnarrangngi, iamo to Anak, apa la'bih nakabudai to kamalillinan, iamo to kagajatan, nasaba' gaja'i to panggaukanna.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 8:15

Ia ammira'tah kara-karana tau, mangra'tah tolino unamo kamu'. Apa ia ke Aku' te'da tau kura'tah kara-karana, moi mesa'.

Yahya 9:25

Mebalii nakua, “Tomadosaraka joo tau ba'tu te'daraka, te'da kuissenni. Apa ia mandara kuissen kumua mangkana' buta, na pakitamo' tee too.”

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Efesus 5:14

Nasaba' ia to pakkaeloran-Na mpaissennii joo tau. Iamo joo naden dipau kumua, “Ee, iko to mamma'na, mi'cikmoko, ammutuo pole' jio mai kamatean, anna la napamanassanko Almaseh to pakkaeloran-Na Puang!”

2 Tesalonika 2:10

La mpake mangrupa-rupa akkalan gaja' mpalao sala toladisessa. La disessa tuu lako tau, nasaba' te'da nakabudai nacia' ntarimai to pangngajaran tongan jio mai Puang Allataala to mpasalama'i.

1 Petrus 2:9

Apa kamu'mo to bangsa napileimo Puang Allataala, ammimenjaji imangna Raja to mipangjaman. Napupenjaji kamu' bangsa to disarakki jio mai bangsa laen ammimenjaji tau mesan-Na. Napileimo kamu' la mpangpeissenan panggaukan-Na to te'da susinna. Iamo ntambai kamu' messun lan mai kamasolangan, ammimentama kamasannangan to liwa' mejangngaran.

1 Yahya 2:11

Apa tomadosapa to tongkaba'ci padanna tomatappa'. Te'dapa naturu' pakkaeloran-Na Puang Allataala, na te'da too naissenni umbo nanii la mangnguju, nasaba' napabutai kuasa dosa to mata penawanna.