Yahya 9:34 - Alkitab Duri

³⁴ Mebalimi to pekaamberan to-Yahudi nakua, “Apa iko! Iko tuu ponno dosa simula jajimmu, na iko pole' la nnajahhikan!” Mammula joo wattu te'dami nadieloran mentama bola passambajangan.

Yahya 9:34 ပူးပေါင်းရင်းမြစ်များ

Kada Bulawan 22:10

Ula'ii to topangcapa', napaja to kasisakkan, nate'damo tosipura iarika tosipasala melako.

Kada Bulawan 26:12

Den unapa rannuanna to tobattuk, na ia to tossanga bang kalena macca.

Kada Bulawan 29:1

Ia to tote'da lalo namadoang mangpesa'ding ke dipakainga'i, ta'pa la masolang na te'damo nadikulle mpemeloii.

Lukas 11:45

Denmi mesa' guru agama mangkada lako Puang Isa nakua, “Oo Guru! Ia tuu kadan-Ta' mpakasiri' todakan!”

Lukas 14:11

Nasaba' ia to tompamajao kalena la dipamajiong, apa ia to tompamajiong kalena la dipamajao.”

Lukas 18:17

La miingaran tee kadang-Ku' kumua, ia to tote'da nasusi to pea biccu' ntarimai to kaparentan-Na Puang Allataala, te'da nalamenjaji umma'-Na Puang Allataala.”

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 8:41

Panggaukanna kamu' ambe'mi mipugauk.” Mebalimi nakua, “Tangngiakan to dijajian jio mai panggaukan sala. Mesa'ra ambe'ki', Puang Allataala manda.”

Yahya 9:2

Mekutanami to anak gurun-Na nakua, “Oo Guru, ciapari nabuta tee tau dijajian, iaraka madosa ba'tu tomatuannaraka mpugauk dosa?”

Yahya 9:22

Naanggai' to tomatuanna mangkada susi joo, sanga malaja'i lako pekaamberan to-Yahudi. Mangkamo nasituru'i kumua, ia to tonnakui kumua Raja Mangpasalama' to Puang Isa, la dipassala, na te'damo nadieloran mentama bola passambajangan.

Yahya 9:35

Nasa'dingngi Puang Isa kumua, te'damo naeloranni tau mentama bola passambajangan joo tomangka buta, naampa'i nakutanaii nakua, “Matappa'rokoka lako Anak Mentolino?”

Yahya 9:40

Ba'tu pira-pira to to-Farisi jio ssa'dingngi joo kadan-Na Puang Isa namekutana nakua, “Iaraka to battuananna tuu kadan-Ta' kumua buta todakan?”

Galatia 2:15

Ia tee kami' to-Yahudikan situru' kajajianki', na tangngiakan tomadosa susi bangsa tangngia to-Yahudi.

Efesus 2:3

Ia joo wattu susimiki' tuu lako tau sola ngasan. Nturu' bangki' kamadoangan penawanta', antapugauk bangngi to gaja'na la mpesannangngi penawanta'. Iamo joo sipato' kumua nakagalliki' Puang Allataala anna la mpabalahhiki' susi tolaen.

1 Petrus 5:5

Meta'dana' lako kamu' to malolle'pa kumua, la mangpesa'ding kamu' lako tomatua. Na lako kamu' sola ngasan meta'dana' kumua, danggi' mimatampo apa situlung kamu'. Nasaba' den diuki' lan Sura' Allataala kumua, “Naewa Puang Allataala to tomatampo, apa nakamasei to tompamajiong kalena.”

3 Yahya 1:10

Ratupa' mati', kupau ngasanni to panggaukan gaja'na, iamo to naanggasankan kada. Te'da na ia manda joo, apa ia tonna ratu to padanta' tomatappa', cia'i ntarimai, kannori naanggai to tau madoang ntarimai, napasunni lan mai jamaa.

3 Yahya 1:9

Mangkamo' ngkiringanni sura' mati' to jamaa, apa ia to Diotrefes to madoang menjaji puanggawa, cia'i mpesa'dingngina'.

Pengkitanna Yahya 13:17

Moi mesa' tau te'da nadieloran mangngalli ba'tu mangbaluk apa-apa bangmo, ke te'dai naampui joo tanda. Iamo joo sanganna joo olok-olok bungahna ba'tu nomoro' to mpamanassai joo sanga.