Yahya 9:29 - Alkitab Duri

²⁹ Kiissen kumua mangkamo Puang Allataala mangkada lako Nabi Musa tonna anu', apa ia joo tau, te'da kami' kiissenni kumua topole umbora ia.”

Yahya 9:29 ပူးပေါင်းရင်းမြစ်များ

Matius 12:24

Ia tonna sa'dingngi to-Farisi susi joo mangkadami nakua, “Kuasanna Beelzebul, iamo to puanggawana setang, napake nnula'i setang.”

Matius 26:61

Namangkada nakua, “Ia tee tau den namangkada kumua, ‘Wa'dingna' rro'pokan Bola Puang Allataala, na tallung allora kunii mpake'deh pole'i.’ ”

Lukas 23:2

Ntuu jio nanii mparapa'i. Nakua mangkada, “Kiampa'i tee tau mpatuju sala bangsata'. Nnajahhi tau cia' mbajah sima lako Tomaraja Roma, nasaba' nakua, iamo Raja Mangpasalama', battuananna nakua kumua iamo Rajaki'.”

Yahya 1:17

Ia to atoran-Na Puang Allataala nabenki' Nabi Musa, apa ia to pangpakamoja' sola katonganan jio mai Puang Allataala napamanassa Puang Isa Almaseh.

Yahya 7:27

Apa ia ke ratui to Raja Mangpasalama', moi mesa' tau te'da nnissenni kumua topole umbora Ia. Na Ia tee tau taissen to nanii ratu.”

Yahya 7:28

Ia tonna mangngajahhi Puang Isa jio rante Bola Puang Allataala, naandongngi gamaran-Na nakua, “Mipikkiri' kumua miissen indana' tee, na topole umbona'. Apa ia to karatuan-Ku' te'da naeloh-Ku', apa nasuana' Puang Allataala to sipato' dikatappa'i, na Iamo te'da miissenni.

Yahya 8:14

Mebalimi nakua, “Moi kusa'bii kale-Ku', tongan to kadang-Ku', nasaba' kuissen to kunii ratu, kuissen too to la kunii male. Nate'da miissenni to kunii ratu, ba'tu la kunii male.

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.

Yahya 9:24

Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Yahya 9:30

Mebalimi joo tomangka buta nakua, “Liwa' ia mejangngaranna, ke te'dai taissenni kumua topole umbora ia, na mangkamo' napapakita.

Jamanna Rasulu' 22:22

Napatarruh bang unapa tobuda mpesa'dingngi Paulus mangkada, apa ia tonna la tampakkanamo joo kada metamba-tambami tobuda nakua, “Bunoi bangmi, te'da ia nasipato' tuo to tau susi tuu!”

Jamanna Rasulu' 26:22

Apa pammase-Na Puang ratu lako too allo, angkuwa'ding ke'deh ntee mpangpeissenanni la lako tokaissenan, la lako tobiasa. Ia to apa kupau te'da laenna na ia to pura napau Nabi Musa sola nabi laen tonna anu',

Jamanna Rasulu' 7:35

Ia tee Nabi Musa to te'da natarimai bangsa Israel tonna kuanni, ‘Indara nnangka'ko kapala ba'tu tomangra'tahki'?’ Na ia to malaeka' mpangpekitan kalena lako Nabi Musa lan pangngala-ala duri dukku, iamo nasua Puang Allataala nnangka'i kapala nasua male lla'bak umma'-Na.

Ibrani 1:1

Ia tonna anu' buda cara tuli napake Puang Allataala ssua nabi mparatuanni kadan-Na lako tojolota'.

Ibrani 1:2

Apa ia tee wattu tampakkana lino nasuai to Anak mpaui lako kita'. Ia joo Anak mangkamo napattantu Puang Allataala to sipato' mpuapai to sininna apa, nasaba' Iamo napake Puang Allataala mpadenni tee lino.