Yahya 9:24 - Alkitab Duri

²⁴ Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Yahya 9:24 ပူးပေါင်းရင်းမြစ်များ

Markus 15:27

Den toda dua parampo' nasolan Puang Isa dipampang, mesa' jio sa'de kanan-Na na mesa' jio sa'de kairin-Na. [

Lukas 15:2

Mangnuku-nukui to to-Farisi sola guru agama nakua, “Wah, nasiama' ora Ia togaja' nakumande sola!”

Lukas 19:7

Sipangnuku-nukuan ngasanmi to tongkitai joo nakua, “Wah, naleppang ora Ia jio bolana togaja'.”

Lukas 7:39

Ia tonna kitami Simon to-Farisi to apa napugauk joo baine, mangkadai lan penawanna, “Ia kenna la nabi tee tau, la naissen ia kumua tomatumbara joo baine ssapuii. Tantu la naissen kumua tomadosa!”

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 18:30

Mebalimi tuu lako tau nakua, “Ia ke la tangngia togaja', te'da kipangngoloi lako gubernur.”

Yahya 19:6

Simetamba-tambanni to kapala imang sola to pangjagana Bola Puang Allataala tonna kitami to Puang Isa nakua, “Pampangngi! Pampangngi!” Nakua Gubernur Pilatus, “Alami mipampangngi, sanga te'da lalo kasalan-Na kuampa'.”

Yahya 5:23

Napugaukki Ambe' susi joo, nakua nakasiri'na' sininna tau, susi tau ngkasiri' Ambe'-Ku'. Ia to tocia' ngkasiri'na', te'da toda nakasiri'i Ambe'-Ku' to ssuana'.

Yahya 8:46

Te'da bang kamu' ngkullei mpamanassai kumua den dosa jio kale-Ku'. Na ia ke mpauna' katonganan, ciapari na te'da mimatappa'?

Yahya 8:49

Mebalii Puang Isa nakua, “Te'da natamaina' setang, apa ngkasiri'ra' Ambe'-Ku'. Na ia ke kamu' te'da miangga'na'.

Yahya 9:16

Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.

Yahya 9:25

Mebalii nakua, “Tomadosaraka joo tau ba'tu te'daraka, te'da kuissenni. Apa ia mandara kuissen kumua mangkana' buta, na pakitamo' tee too.”

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Yosua 7:19

Nakuamo Yosua lako Akhan, “Ee anakku', massapahko lako PUANG Allataala to nasompa to-Israel, mangngakuko jio olo-Na, mupauanna' to apa mangka mupugauk, danggi' naden mubuni.”

Pengkitanna Yahya 11:13

Ia joo wattu ta'pa ninoi liwa' tonggo, na sangtawa sangpulona joo kota ro'pok na pitung sa'bu tau mate. Gaja laja'i to totuopa anna pakala'bih kuasan-Na Puang Allataala jao suruga.