Yahya 9:22 - Alkitab Duri

²² Naanggai' to tomatuanna mangkada susi joo, sanga malaja'i lako pekaamberan to-Yahudi. Mangkamo nasituru'i kumua, ia to tonnakui kumua Raja Mangpasalama' to Puang Isa, la dipassala, na te'damo nadieloran mentama bola passambajangan.

Yahya 9:22 ပူးပေါင်းရင်းမြစ်များ

Kada Bulawan 29:25

Ia ke tolinora dikalaja', butung naalaki' poja na te'da dikulle la'pah, apa ia to tomatappa' lako Puang Allataala, la manyaman.

Lukas 6:22

Masannang kamu', ke dikaba'ci kamu', ke diula'i kamu', ke dicacca kamu', sola ke disanga kamu' togaja', nasaba' mituru'na' Aku', Anak Mentolino.

Yahya 1:19

Susimi tee pangngakuanna Nabi Yahya lako ba'tu pira-pira imang sola to-Lewi, to nasua pekaamberan to-Yahudi jio kota Yerusalem ngkutanaii kumua, “Indariki'?”

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Yahya 19:38

Mangkai joo too, ia to Yusuf to-Arimatea meta'da lako Gubernur Pilatus, naalai to batang rabukku-Na Puang Isa. (Ia tee Yusuf tonturu'mo Puang Isa, apa membuni-buni bangri, sanga malaja'i lako pekaamberan to-Yahudi.) Naeloranni Gubernur Pilatus, jaji malemi Yusuf nnalai joo batang rabukku-Na Puang Isa.

Yahya 20:19

Ia tonna bongimo, allo Aha' ia bang unamo joo, nasirempun to anak gurun-Na Puang Isa lan bola dilacak, nasaba' malaja'i lako pekaamberan to-Yahudi. Ta'pa ratui Puang Isa ke'deh lan tangnga-tangngana, namangkada nakua, “Salama' kamu', mimasannang!”

Yahya 7:13

Apa te'da tau barani mpaui to tonganna, sanga malaja'i lako pekaamberan to-Yahudi.

Yahya 9:18

Apa ia to pekaamberan to-Yahudi, te'da namatappa' kumua, ia joo tau mangka buta anna pakitamo tee too. Iamo joo nasuai to tomatuanna ratu,

Yahya 9:21

Apa matumbai nawa'dingmo pakita tee too, te'da kiissenni. Na inda mpapakitai, te'da too kami' kiissenni. Takutanai bangmi, sanga matonggomo ia. Wa'dingmo mpebalian kalena.”

Yahya 9:34

Mebalimi to pekaamberan to-Yahudi nakua, “Apa iko! Iko tuu ponno dosa simula jajimmu, na iko pole' la nnajahhikan!” Mammula joo wattu te'dami nadieloran mentama bola passambajangan.

Yahya 9:35

Nasa'dingngi Puang Isa kumua, te'damo naeloranni tau mentama bola passambajangan joo tomangka buta, naampa'i nakutanaii nakua, “Matappa'rokoka lako Anak Mentolino?”

Jamanna Rasulu' 4:18

Natambai pole' omi to Petrus sola Yahya mentama, nakuanni, “Te'damo miwa'ding mpangpangngajaranni joo tau misanga Puang Isa.”

Jamanna Rasulu' 5:13

Te'da tosalean barani ratu rraui, apa gaja naangga' tobuda to tomatappa'.

Jamanna Rasulu' 5:40

Napangpesuanni to rasulu' ratu, napekajui, namane' ngkuanni, “Te'damo miwa'ding mpangpangngajaranni to misanga Puang Isa.” Mangkai joo too dila'paranmi.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”