Yahya 9:16 - Alkitab Duri

¹⁶ Ba'tu pira-pira to to-Farisi mangkada nakua, “Tangngia topole jio mai Puang Allataala joo, nasaba' te'da naturu'i to atoran Allo Katorroan.” Nakua to laenna, “Te'da ia to tomadosa la mpugauk tanda mejangngaran susi joo.” Susimi joo sipekkami to to-Farisi.

Yahya 9:16 ပူးပေါင်းရင်းမြစ်များ

Matius 12:10

Den mesa' tau to mate sangbali limanna ntuu jio. Ba'tu pira-pira tau, to la nnangah bang kasalanna Puang Isa anna wa'ding mparapa'i, mekutana lako Puang Isa nakua, “Ianna situru' atoran agamanta', wa'dingraka mpamalagah tomasaki ke Allo Katorroan?”

Matius 12:2

Nakitami to-Farisi napasalai to Puang Isa nakuanni, “Kitari to anak gurun-Ta'! Ciapari na te'da naturu'i to atoran agamanta', anna pugaukki to dipemalian dipugauk ke Allo Katorroan?”

Lukas 13:14

Mabirihmi joo kapala bola passambajangan, nasaba' napamaruruhhi Puang Isa joo tobukku' na Allo Katorroan. Iamo joo namangkada lako tau nakua, “Den annan allona dinii mangjama, allo-allo iapa joo minii ratu ammidipakaruruh ba'tu dipamalagah, danggi' anna Allo Katorroan!”

Yahya 10:19

Sipekka pole' omi to to-Yahudi ssa'dingngi joo kadan-Na Puang Isa.

Yahya 14:11

Katappa'ina' kumua Aku' memmesa' sola Ambe', na Ambe' memmesa' sola Aku'. Ia ke cia' kamu' ngkatappa'ii to kadang-Ku', wa'ding kamu' matappa' lako Aku' nasaba' mikitamo to jaman mangka kupugauk.

Yahya 15:24

Ia ke la te'dai kupugauk tanda mejangngaran lan tangnga-tangngana tobuda, to te'da napugaukki tau laen, te'da nalamadosa. Apa moi nakitamo to apa kupugauk, nakaba'cina', na moi Ambe'-Ku' nakaba'ci todami.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.

Yahya 3:2

Ratu bongii lako Puang Isa nakua ngkuanni, “Ee Guru! Kiissen kumua nasuaki' Puang Allataala ratu menjaji guru, nasaba' moi mesa' tau te'da ngkullei mpugauk tanda mejangngaran susi to tapugauk, ke te'da na Puang Allataala mpakuasai.”

Yahya 5:10

Iamo joo na ia to pekaamberan to-Yahudi ngkuanni joo to te'damo nakupi', “Allo Katorroan tee allo, te'da muwa'ding mpassan ampahmu.”

Yahya 5:36

Apa den ia la'bih matonggo ntongananna' na ia to kadanna Nabi Yahya. Iamo to jaman napangparentan Ambe' lako Aku' la kumangkai, ia toomo ssa'bii kumua Ambe'-Ku' to ssuana'.

Yahya 6:52

Ia tonna sa'dingngi to-Yahudi joo kadan-Na, napada ia sipekka nakua, “Umbo nakua tee tau wa'ding la mbenki' batang kale-Na takande?”

Yahya 7:12

Buda tau ncurita buni bangngi. Den to mpau meloi nakua, “Tomelo Ia.” Den too to mpau tangmeloi nakua, “Te'da na tomelo, tompalao sala tobuda.”

Yahya 7:23

ammikua danggi' mitengkai atoranna Nabi Musa. Ia ke susii joo ciapari mikagallina', ke mpamalagahna' mesa' tau ke Allo Katorroan?

Yahya 7:43

Susimi joo nasipekkaimi tobuda to Puang Isa.

Yahya 9:24

Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Jamanna Rasulu' 14:4

Apa sisala-salai to tau lan joo kota na sisesean. Den to rempe' lako to-Yahudi na den too to rempe' lako joo rasulu' dua.