Yahya 8:6 - Alkitab Duri

⁶ Naanggai' mekutana susi joo la ncobai to Puang Isa dikua nawa'ding mpasalai. Apa cukku bangngi Puang Isa, na mpangngukiran jarin-Na do' litak.

Yahya 8:6 ပူးပေါင်းရင်းမြစ်များ

Kada Bulawan 26:17

Ia to tompentama-taman tomassipura, susii tontoe talinga asu liu lalan.

Daniel 5:5

Ia bang unamo joo wattu, natimbajo to mesa' lima tau mangnguki' jio rinding istana sikandoppi' palita. Nakitai raja joo lima mukkun mangnguki',

Amos 5:10

Mikaba'ci to tompau katonganan ba'tu tomaruruh rra'tah kara-kara.

Amos 5:13

Ia joo wattu, kagajatan mandamo napugauk tau, iamo na la'biranni to tomacca na kainawa kamma' bang ngkita kagajatanmi.

Matius 10:16

Nakuan pole' omi Puang Isa to anak gurun-Na, “Pesa'dingngii! Kusua kamu' male susi bembala' mentama tangnga serigala. Iamo joo la macca kamu' mbawa kalemi, mimaruruh.

Matius 15:23

Te'da bang napebalii Puang Isa. Meta'dami anak gurun-Na nakua, “Ee Puang, suai palai joo baine. Undi bang jio boko'ta' rrekaiki'.”

Matius 16:1

Den ba'tu pira-pira to-Farisi sola to-Saduki ratu la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Matius 19:3

Ratumi to ba'tu pira-pira to-Farisi madoang la ssede Puang Isa namekutana nakua, “Situru' atoran agamanta', wa'dingraka to tau ssarak bainena, nasaba' mangrupa-rupa passabatan?”

Matius 22:18

Apa naissen Puang Isa to lan penawanna joo tomekutana, iamo joo nakuanni, “Ee, tomajekkong! Ciapari micobana'?

Matius 22:35

Denmi sala mesa'na, male lako Puang Isa la nnakkalannii, naden lalan nanii mpasalai. Ia joo tau guru agama.

Matius 26:63

Apa kamma' bangngi to Puang Isa. Nadadu' omi to Imang Lompo mangkada nakua, “La massapahko mpau Puang Allataala to tuo te'da cappa'na, mpauankan, Ikomoraka Raja Mangpasalama', Anak Allataala.”

Markus 10:2

Ratumi to ba'tu pira-pira to-Farisi madoang la ssede Puang Isa, namekutana nakua, “Situru' atoran agamanta', wa'dingraka to tau ssarak bainena?”

Markus 12:15

Apa naissen Puang Isa to lan penawanna joo tomekutana. Iamo joo nakuanni, “Ciapari micobana'? Pakitanna' to doi' dinar.”

Markus 3:2

Na den too tau laen jio to madoang bang nnangah kasalanna Puang Isa anna wa'ding mparapa'i. Jaji, napesa' tarruhhi kumua ba'tu la mpamalagahhi tau ke Allo Katorroanni.

Markus 8:11

Den ba'tu pira-pira to-Farisi ratu lako Puang Isa ssite'geranni sanga madoangngi la ssedei. Meta'dai anna mpugauk tanda mejangngaran, to la mpamanassai kumua ia to kuasan-Na pole jio tongan mai Puang Allataala.

Lukas 10:25

Mangkai joo too, denmi mesa' guru agama la nnakkalanni Puang Isa, naden lalan nanii mpasalai. Malemi lako, nakua, “Oo Guru! Apara to sipato' la kupugauk, angkuampa' katuoan melo te'da cappa'na?”

Lukas 11:16

Den too tau laen madoangngi la ssedei to Puang Isa. Meta'dai anna pugauk tanda mejangngaran, la mpamanassai kumua ia to kuasan-Na pole jio tongan mai Puang Allataala.

Yahya 8:2

Ia tonna makale'mo, male pole'i lako rante Bola Puang Allataala na buda tau ratu sirempun. Nacumadokko Puang Isa napamulai nnajahhi tobuda.

1 Korintus 10:9

Danggi' tacoba-coba mpamagalli Puang Allataala, susi to napugauk tuu lako tau pira' tonna anu', namate natitto ulah keipo.