Yahya 8:53 - Alkitab Duri

⁵³ Ia to tojoloki' Nabi Ibrahim mangkamo mate, sola to sininna nabi mangka toomo mate. Indara tapapadanni to kale-Ta'? Te'da antalala'bih matonggo na ia to Nabi Ibrahim!”

Yahya 8:53 ပူးပေါင်းရင်းမြစ်များ

Matius 12:6

La miingaran melo kumua, la'bina' Aku' na ia to Bola Puang Allataala.

Matius 3:9

Danggi' misangai kumua te'damo miladicalla, nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Yahya 10:33

Mebalii to to-Yahudi nakua, “Te'da na ia to panggaukan melota' angkilalekko'ki', apa iara to ncapa'ki' Puang Allataala. Mesa'ki' tolino, tapapadai Puang Allataala to kale-Ta'.”

Yahya 12:34

Nakua to tobuda ngkuanni, “Menuru' to diuki' lan Sura' Allataala, ia to Raja Mangpasalama' la tuo te'da cappa'na. Matumbai takua kumua ia to Anak Mentolino la dipamajao lan lino? Indara pale' joo Anak Mentolino?”

Yahya 19:7

Nakua to to-Yahudi mebali, “Situru' atoranki', la dibuno Ia, nasaba' ssanga kalena Anak Allataala.”

Yahya 4:12

Ia tee bubun natawankan tojoloki' Yakub tonna anu'. Na moi ia wai lan toda mai ntee bubun naiso' sola anakkana na patuoanna. Tasangaraka la'bih majaoki' na ia joo tojoloki' Yakub?”

Yahya 5:18

Iamo tee to kada gaja mpamasumanga' pekaamberan to-Yahudi nnangah lalan la mbuno Puang Isa. Te'da na ia manda to ntengkai atoran Allo Katorroan, apa ia toomo to nakua, “Ambe'-Ku' to Puang Allataala.” Nasaba' ia ke susii joo, mpapadai kalena Puang Allataala.

Yahya 8:58

Mebalii Puang Isa nakua, “La mikatappa'i kumua, te'dapa nadijajian Nabi Ibrahim, na den memanmo'.”

Roma 9:5

Ia to to-Israel bati'nai Nabi Ibrahim, Ishak na Yakub. Na ia to Almaseh, to mentolino, bati'na todai. Apa Iamo Allataala to te'da apa njaonannii, to sipato' dipakala'bih te'da cappa'na. Amin.