Yahya 8:51 - Alkitab Duri

⁵¹ La mikatappa'i kumua, ia to tonturu' kadang-Ku', te'da tarruhmo nalasikita kamatean.”

Yahya 8:51 ပူးပေါင်းရင်းမြစ်များ

Matius 16:28

La miingaran tee kadang-Ku' kumua, sitonganna den kamu' to ntee, te'dapa namate ke te'dapi nakitana' tee Aku', Anak Mentolino, mangparenta susi Raja!”

Lukas 2:26

Mangkamo napauan Roh Allataala kumua, te'dapa nalamate, ke te'dapi nakitai to Raja Mangpasalama' to napau jolo Puang Allataala.

Yahya 14:23

Mebalii Puang Isa nakua, “Ia to tompakamoja'na', la naturu' to pangngajah-Ku'. La napakamoja' Ambe'-Ku' joo tau. La ratuna' sola Ambe'-Ku' lako to tonturu' pangngajaran-Ku', angkitorro mari'pih sola.

Yahya 15:20

Ingaranni to apa mangkamo kupauan kamu', ‘Ia to mesa' kaunan te'da nala'bih matande na puangna.’ Jaji ia ke mangkamo' nasessa, moi kamu' la nasessa too. Na ia ke naturu'i to pangngajaran-Ku', la naturu' tooi to pangngajaranmi.

Yahya 17:6

Kupangpeissenanmiki' lako sininna tau to mangkamo tabenna' lan tee lino. Ia tuu lako tau tabenna', taun-Ta', nanturu'mo kadan-Ta',

Yahya 5:24

La miingaran tee kadang-Ku' kumua, ia to tompesa'dingngi to kadang-Ku', namatappa' lako to tossuana', iamo tonnampui katuoan melo te'da cappa'na. Te'damo ia naladisessa. La'pahmi jio mai kamatean, anna nnampa' katuoan melo te'da cappa'na.

Yahya 6:50

Apa te'da nasusi joo to kande mellao jao mai suruga. Ia to tongkandei joo kande, te'damo nalamate.

Yahya 8:12

Mangkada pole' omi Puang Isa lako tobuda nakua, “Aku'mo arrang to nnarrangngi penawanna tolino. Ia to tonturu'na', te'da nalalumingka lan kamalillinan, apa la nnampui arrang to mbenni katuoan.”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.

Ibrani 11:5

Te'da namate to Henokh, apa diangka'i de' suruga lako Puang Allataala, sanga matappa'i. Jaji, moi mesa' tau te'damo nnampa'i, sanga mangkami naangka' Puang Allataala. Diuki' lan Sura' Allataala kumua, ia tonna te'dapa nadiangka' to Henokh napumasannang Puang Allataala.

Ibrani 2:9

Apa takitamo to Puang Isa to mangka dipamajiong cingga'tu' na ia to malaeka', kumua dipupenjajimo tomala'bih na todikasiri', tonna mangkamo mperasai parri' ratu lako mate-Na. Napattantui Puang Allataala kumua la mate to Puang Isa ssullei to sininna tolino, sanga kameloan penawan-Na.