Yahya 8:48 - Alkitab Duri

⁴⁸ Mebalimi to to-Yahudi nakua, “To-Samariaki'. Natamaiki' setang.”

Yahya 8:48 ပူးပေါင်းရင်းမြစ်များ

Matius 10:25

Ganna'mi ke passikola pada gurunna, na kaunan pada puangna. Ia ke nasangana' tau Beelzebul, puanggawana setang, apa pole'pi kamu' to tonturu'na' la'bih-la'bih la gaja' sangammi.”

Matius 10:5

Nasuami Puang Isa joo sangpulo dua anak gurun-Na, napasanni kumua, “Danggi' mimale lako bangsa tangngia to-Yahudi, moi lako to-Samaria.

Matius 11:18

Battuananna: ratumo to Nabi Yahya, napuasa na te'da naiso' anggoro', nakua ora tau kumua, ‘Natamaii setang.’

Matius 12:24

Ia tonna sa'dingngi to-Farisi susi joo mangkadami nakua, “Kuasanna Beelzebul, iamo to puanggawana setang, napake nnula'i setang.”

Matius 12:31

Iamo joo la miingaran kumua, ia to tompugauk dosa ba'tu ncapa' Puang Allataala, wa'dingpa didampangan. Apa ia to toncapa' Roh Allataala, te'damo nawa'ding didampangan.

Matius 15:7

Ee, tomajekkong kamu'! Nang tongan to napau Nabi Yesaya tonna anu' mpau kamu' kumua,

Yahya 1:19

Susimi tee pangngakuanna Nabi Yahya lako ba'tu pira-pira imang sola to-Lewi, to nasua pekaamberan to-Yahudi jio kota Yerusalem ngkutanaii kumua, “Indariki'?”

Yahya 10:20

Budai to kumua, “Natamaii setang na mamemi. Ammipesa'dingngi ori kamu'?”

Yahya 13:13

Misangana' Guru sola Puang, na tongan joo, sanga Guruna' ku-Puang too.

Yahya 4:9

Jangngahhi joo baine, sanga to-Yahudi na to-Samaria te'da nasisumuan. Iamo joo nakua kumua, “Oo, na to-Yahudiki', na to-Samariana', antapeta'daina' wai diiso'.”

Yahya 7:20

Mebalimi to tobuda nakua, “Ah, tonatamaiki' setang! Indara la mbunoki'?”

Yahya 8:22

Ia tonna sa'dingngi pekaamberan to-Yahudi, sipangkadai nakua, “Oo, mbai la mbunoi kalena, sanga nakua kumua, ‘Te'da kamu' ngkullei ratu lako to la kunii male.’ ”

Yahya 8:52

Nakua to to-Yahudi ngkuan Puang Isa, “Oh, kiissenmi tee too kumua natamai tonganmiki' setang, nasaba' mangkami mate Nabi Ibrahim, mate toomi to sininna nabi, antakumua, ‘Ia to tonturu' kadang-Ku', te'da tarruhmo nalasikita kamatean.’

Roma 15:3

Almaseh una nate'da nakamasannangan-Na manda napikkiri', susi to diuki' lan Sura' Allataala mpaui kumua, “Sininna kada pangcapa' lako Puang Allataala, mangkamo kuperasai.”

Ibrani 13:13

Iamo joo tamalemo lako Puang Isa jio saleanan kampong antadicapa'-capa' sola.

Yakub 2:19

Mukatappa'i kumua mesa'ra to Puang Allataala. Tongan tuu! Na moi sininna setang napangngakui too joo. Iamo mbe'beran malaja'.