Yahya 8:44 - Alkitab Duri

⁴⁴ Ballisi' kamu' to ambe'mi. Iamo mimadoang bang mpugaukki to pangkabudaianna Ballisi'. Mammula jiona mai topabuno ia. Te'da lalo ia nampau katonganan, sanga te'da katonganan naampui. Ia ke mangnguragai, sipato'namo, sanga iamo garonto'na sininna pangnguraga.

Yahya 8:44 ပူးပေါင်းရင်းမြစ်များ

Matius 12:34

Togaja' kamu'! Umbora la mikua mpau melona ke gaja'i to penawammi? Nasaba' apa lan penawanna tau, iamo napau timu.

Matius 13:15

Nasaba' liwa'mo membattuk tee bangsa, namataru talinganna, na mpamamma' matanna. Ia tee jaji dikua danggi' napakita matanna, nadanggi' namangpesa'ding talinganna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

Matius 13:38

Ia to uma dipangpasusii lino. Banne melo dipangpasusii tomenjajimo umma'-Na Puang Allataala. Na ia to pare-pare dipangpasusii tonturu' Ballisi'.

Yahya 6:70

Mebalimi Puang Isa nakua, “Aku'ra to mpilei kamu' tee tau sangpulo dua. Apa den mesa' tonatamai setang lan tangnga-tangngami.”

Yahya 7:17

Ia ke den tau madoang nturu' pakkaeloran-Na Puang Allataala, la naissen kumua pole umbora tee pangngajaran-Ku'. La naissen kumua pole jioraka mai Puang Allataala, iarika pangngajaran-Ku' Aku'.

Yahya 8:38

Ia to apa kukita jio Ambe'-Ku', iamo kupauan kamu'. Na ia todamo mipugauk to naajaran kamu' ambe'mi.”

Yahya 8:41

Panggaukanna kamu' ambe'mi mipugauk.” Mebalimi nakua, “Tangngiakan to dijajian jio mai panggaukan sala. Mesa'ra ambe'ki', Puang Allataala manda.”

Yahya 8:55

Te'da kamu' miissenni na kuissen Aku'. Na ia ke la kukua te'da kuissenni, pangnguragana' susi kamu'. Apa kuissen Aku', na kuturu' to kadan-Na.

Jamanna Rasulu' 13:10

Nakuanni, “Ee bati'na Ballisi'! Ewalinnako sininna kameloan! Topangnguraga la'da'ko! Te'daraka mulantorroi hhalangngi akkatta-Na Puang Allataala mpasalama' tolino?

Jamanna Rasulu' 24:9

Padami to to-Yahudi ratu jio mpasala ngasanni to Paulus na tongananni to kadanna Tertulus.

Jamanna Rasulu' 5:3

Nakuanni Petrus, “Ee, Ananias, ammueloran bang ora kalemu nakuasai Ballisi', ammuuragara Roh Allataala, ssarakan buni kalemu sesena alli padangmu?

2 Korintus 11:3

Apa magiangna', iamo ke denni to mpalao sala kamu' ammicia'mo matappa' tongan lako Almaseh susi jolona. Susi todai Hawa tonna anu' tonna sedei ulah napalao salai.

1 Petrus 5:8

La sadia kamu', ammimajaga! Nasaba' ia to ewalimmi Ballisi' susi bang singa lumingka male lako male jio mai, namangngaung-ngaung nnangahhi to la nakandena.

2 Petrus 2:4

La jajii susi joo, nasaba' te'da natangssessai Puang Allataala to malaeka' madosa, apa napembuanganni tama naraka, napatamai posi' tana malillin, to dinii ntarungkui arannai nadete' to wattu nanii Puang Allataala rra'tah kara-karana.

1 Yahya 1:8

Ia ke mangkadaki' kumua te'da tamadosa, nnuragaki' kaleta' na te'da too taingaranni to katonganan.

1 Yahya 2:21

Jaji kuukiran kamu' tee sura' te'da kumua tangmiissenpi to pangngajaran tongan, apa sibalikannari. Miissen toomo kumua te'da pangnguraga lan joo pangngajaran tongan.

1 Yahya 2:4

Topangnguraga na tote'da naampui katonganan to tomangkada kumua, “Nnissenna' Puang Allataala”, apa te'da naturu'i to parenta-Na.

1 Yahya 3:12

Te'da tawa'ding susi Kain nturu' pakkaeloranna Ballisi' arannai mbuno Habel adinna. Ciapari nabunoi Kain to adinna? Nasaba' meloi to panggaukanna adinna, na gaja' ia to panggaukanna Kain.

1 Yahya 3:15

Topabuno to tote'da napakamoja' padanna tomatappa'. Miissen kumua ia to topabuno te'da nannampui katuoan melo te'da cappa'na.

Yudas 1:6

Ingaran tooi to malaeka' tonna anu'. Den ba'tu pira-pira malaeka' cia' ntarimai to kuasa nabenni Puang Allataala, nasalaii to ngenanna jao suruga. Narantei Puang Allataala joo malaeka' te'da cappa'na, napatamai pangtarungkuan kaminang malillin sanadete'na Kiama' to lino to nanii Puang Allataala rra'tah kara-karana.

Pengkitanna Yahya 12:9

nadipenca'bean tama lino sola sininna malaeka'na. Ia to naga, iamo to ulah tua disanga Ballisi' ba'tu puanggawana setang to mpalao sala sininna tau lan lino.

Pengkitanna Yahya 2:10

Apa danggi' mimalaja' to kamaparrisan to la mioloi. Matappa' kamu', sanga sitonganna den ba'tu pira-pira tau lan tangnga-tangngami la napembuangan Ballisi' tama pangtarungkuan, napengkulle-kullei mpalao sala kamu' nate'damo mimatappa'. La mperasai kamu' pa'dik sangpulo allona. Apa la matappa' kamu' lako Aku' ratu lako matemi na la kuben kamu' pahala, iamo to katuoan melo te'da cappa'na.

Pengkitanna Yahya 21:8

Apa ia to tolanjangan, tomboko'i Puang Isa, totangmessipa', topabuno, tomanggauk sala, tomangpatama-tama, tossompa dewata, na sininna tomangnguraga la dipenca'beanni tama api colo' manglanya-lanya. Iamo kamatean mangpenduan.”

Pengkitanna Yahya 22:15

Apa ia to tau mpugauk bangngi to panggaukan gaja', susinna topangkita-kita, tomanggauk sala, topabuno, tossompa dewata, topangnguraga la kadanna, la panggaukanna, ia ngasan tee tau la saleanan jio mai joo kota.

Pengkitanna Yahya 9:11

Den puanggawana mparentai, na ia joo puanggawana iamo malaeka' ngkuasai posi' tana. Disanga lan basa Ibrani Abadon. Lan basa Yunani disanga Apolion, battuananna: to manggaja'-gaja'.