Yahya 8:34 - Alkitab Duri

³⁴ Nakua Puang Isa ngkuanni, “La miingaran tee kadang-Ku' kumua, ia to tompugauk dosa, iamo tonapukaunan kuasa dosa.

Yahya 8:34 ပူးပေါင်းရင်းမြစ်များ

Kada Bulawan 5:22

Ia to togaja', naatta panggaukan gaja'na na dosana menjaji poja lako kalena,

Matius 5:18

La miingaran tee kadang-Ku' kumua, te'dapa nala-Kiama' to lino, ke te'dapi najaji ngasan to diuki' lan atoran-Na Puang Allataala! Jaji, moi mesa' hurupu' te'da naladita'dei lan joo atoran.

Yahya 3:3

Napebalii Puang Isa nakua, “Ingaranni! Moi mesa' tau te'da nawa'ding menjaji umma'-Na Puang Allataala lan kaparentan-Na, ke te'dai nadijajian pole'.”

Jamanna Rasulu' 8:23

Sanga kuissen sigaru bang to bitokkomu lan anna napukaunanko kagajatan.”

Roma 6:12

Iami joo, danggi'mo mieloranni to kuasa dosa mpukaunan kamu' nadanggi' mituru'i bangngi to kamadoangan gaja'mi.

Roma 6:16

Tantu miissen kumua ia ke denni mipupuang mituru'i to napueloh, tantu ia minii mengkaunan. Ia ke mengkaunan lako kamu' kuasa dosa, la mate kamu'. Ia ke mengkaunan lako kamu' Puang Allataala, la dipupenjaji tomelo kamu'.

Roma 6:6

Taissenmo kumua ia to sipa' gaja'ta' mangkami dita'dei tontadipampang sola Almaseh jao kaju sitamben. Na ia ke susii joo, te'damo napukaunanki' kuasa dosa, nasaba' ia to tomatemo dila'paranmi jio mai kuasa dosa.

Roma 7:14

Taissen kumua ia to atoranna Nabi Musa pole jio mai Roh Allataala. Apa aku' tee tolino malammana', nasaba' susimo' todibaluk napukaunanmo' kuasa dosa.

Roma 7:25

Kurru sumanga' lako Puang Allataala! Iamo lla'paranna', nasaba' Puangta' Puang Isa Almaseh!

Roma 8:21

kumua den wattunna naladila'paran jio mai kamasolanganna, anna dipamala'bih sola sininna anak Allataala.

Efesus 2:2

Ia joo wattu ia to panggaukanmi susi bang to panggaukanna tolino to tangnturu' Puang, ammituru' Ballisi' jao langi' to mparenta sininna setang. Iamo tatta' ngkuasaii to totangmatappa' lako Puang Allataala.

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

2 Petrus 2:19

Napauanni tuu lako tomane' matappa' kumua te'da naparallu dituru' to parenta-Na Puang Allataala anna wa'ding mpugauk sininna apa nakadoangngi. Apa ia bang una napukaunan panggaukan gaja'na to la napumasolang. Nasaba' ia ke nakuasaiki' kamadoanganta', napukaunanki' joo kamadoanganta'.