Yahya 8:29 - Alkitab Duri

²⁹ Na iamo joo Ambe'-Ku' to ssuana', nasolan bangna'. Te'da nasalaina', nasaba' tuli kupugauk to napumasannang.”

Yahya 8:29 ပူးပေါင်းရင်းမြစ်များ

Matius 17:5

Ia tonna mangkada unapa Petrus, ratumi to saleu' macorrang mbombonnii sola ngasan na den gamara nasa'ding lan mai nakua, “Iamo tee to Anak kupakamoja' to mpamasannangna'. Pesa'dingngii!”

Matius 3:15

Apa mebalii Puang Isa nakua, “Ake'mo najaji tee, nasaba' susimo tee la tapugauk situru' pakkaeloran-Na Puang Allataala.” Najio'mi Nabi Yahya.

Matius 3:17

Nadisa'ding to gamaran-Na Puang Allataala nakua, “Iamo tee to Anak kupakamoja' to mpamasannangna'.”

Yahya 14:31

Apa la jaji ngasan susi joo, nasaba' parallu naissen tolino kumua mpakamoja'na' Ambe'. Iamo joo kupugaukki to sininna apa naparentanna'. Ikee, tamellele ntee.”

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 16:32

La nadete'mi wattunna, na sitonganna wattunnami tee too, kumua la dipasisarak-sarak kamu'. Pada la pole kamu' lako bolami, ammisalaina' mesa-mesa. Apa sitonganna te'da kumesa-mesa, sanga den Ambe' kusolan.

Yahya 17:4

Mangkamo' mpakala'bihki' lan tee lino, nasaba' mangkamo' njamai to jaman tasuanna'.

Yahya 4:34

Nakua omo Puang Isa, “Ia to kande-Ku', iamo to nturu' pakkaeloran-Na Puang Allataala angkumangkai tooi to jaman nasuanna'.

Yahya 5:30

Mpatarruhhi kadan-Na Puang Isa nakua, “Te'da kuwa'ding mpugauk apa situru' pakkaeloran-Ku'. Rra'tahna' kara-karana tolino susi to naparentanna' Ambe'. Maruruh to pangra'tah-Ku', nasaba' te'da naeloh-Ku', apa pakkaeloran-Na Ambe' to ssuana'.

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Yahya 8:16

Apa ia ke la Aku' mangra'tah, maruruh to pangra'tah-Ku', sanga te'da na Aku' manda mangra'tah, apa solana' Ambe' to ssuana'.

2 Timotius 4:17

Apa naampaimo' Puang, naben toomo' kapakullean, angkuwa'ding mmangkai jamanku' mpangpeissenan Kareba Kasalamatan lako sininna bangsa tangngia to-Yahudi inde', napasalama'na' Puang jio mai kamatean.

2 Timotius 4:22

Dennaa upa' naampaiko Puang nabarakka'i kamu' sola ngasan! Padamo jolo' too. Sallangki' mati', Paulus.

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

1 Yahya 2:1

Ee, tokupuanak! Kuukiran kamu' tee kukua nadanggi' mipugauk dosa. Apa ia ke denni tompugauk dosa, denmo to mpangkadananki' jio olo-Na Puang Allataala, Iamo Puang Isa Almaseh to maruruh.

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.