Yahya 8:28 - Alkitab Duri

²⁸ Iamo joo nakua pole' Puang Isa ngkuanni, “Ia ke mipampangmo' jao kaju sitamben tee Aku', Anak Mentolino, mane'ra kamu' nnissenni kumua, Aku'mo tee to disanga ‘DENNA'’. Mane' toori miissen kumua, te'da kupugaukki to apa situru' pakkaeloran-Ku', apa ia manda to naajaranna' Ambe'-Ku'.

Yahya 8:28 ပူးပေါင်းရင်းမြစ်များ

Matius 24:5

Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Markus 13:6

Nasaba' buda tau la ratu mpusanga sangang-Ku' nakua, ‘Aku'mo Raja Mangpasalama'!’ na buda tau la napalao sala.

Lukas 21:8

Mebalimi Puang Isa nakua, “Majaga kamu', danggi' naden tau mpalao sala kamu'. Nasaba' buda tau la ratu mpusanga sangang-Ku', nakua, ‘Aku'mo Raja Mangpasalama'!’ na ‘Wattunnamo.’ Apa danggi' mipesa'dingngii.

Yahya 11:42

Kuissen kumua tuli mipesa'dingngina', apa iara kumangkada susi tee, kukua anna matappa' tee tobuda inde' kusolan, kumua Ambe' tonganmo to ssuana'.”

Yahya 13:19

Kupauan jolomo kamu' tee tonna te'dapa najaji, na ia ke jajimi dau, matappa'mo kamu' kumua, Aku'mo to disanga Denna'.

Yahya 16:10

La napamanassa too kumua totangmadosana', sanga polena' lako Ambe' natarimana', na te'damo milangkitana'.

Yahya 18:32

(Susimi ia joo anna jaji to kadan-Na Puang Isa mpaui to carana la mate.)

Yahya 19:18

Ntuumo jio dinii mpampangngi. Den toda dua tolaen nasolan Puang Isa dipampang, mesa' jio sa'de kairin-Na, na mesa' jio sa'de kanan-Na, na Puang Isa lan tangngana.

Yahya 3:11

Katappa'i, kipau to apa kiissen sola kipangpeissenan to apa kikitamo, apa te'da mitarimai.

Yahya 3:14

Susi Nabi Musa tonna palakoi kaju to ulah tambaga napamajaoi jio padang pallawangan tonna anu', susi toda Aku' Anak Mentolino, la dipamajaona',

Yahya 4:26

Nakua Puang Isa ngkuanni, “Na Aku'mo tee to musipangkadan.”

Yahya 5:19

Napebalii Puang Isa joo pekaamberan to-Yahudi nakua, “La miingaran tee kadang-Ku' kumua, ia tee Aku' Anak Allataala, te'da kuwa'ding mpugauk apa situru' pakkaeloran-Ku', ke te'da na Ambe'-Ku' kukita mpugaukki. Sanga apa to napugauk Ambe'-Ku', ia todamo kupugauk.

Yahya 5:30

Mpatarruhhi kadan-Na Puang Isa nakua, “Te'da kuwa'ding mpugauk apa situru' pakkaeloran-Ku'. Rra'tahna' kara-karana tolino susi to naparentanna' Ambe'. Maruruh to pangra'tah-Ku', nasaba' te'da naeloh-Ku', apa pakkaeloran-Na Ambe' to ssuana'.

Yahya 6:38

Sanga mellaona' jao mai suruga, tangngia kumua pakkaeloran-Ku' la kupugauk, apa pakkaeloran-Na Ambe'-Ku' to ssuana'.

Yahya 8:24

Iamo joo kukuan kamu' kumua, la mate tangdidampangan kamu'. Na la mate tangdidampangan kamu', nasaba' te'da mikatappa'i to kadang-Ku' mpamanassai kumua, ‘Aku'mo to disanga DENNA'.’ ”

Yahya 8:27

Te'da naissenni to tau kumua Ambe'-Na to napau Puang Isa.

Yahya 8:58

Mebalii Puang Isa nakua, “La mikatappa'i kumua, te'dapa nadijajian Nabi Ibrahim, na den memanmo'.”

Jamanna Rasulu' 2:41

Buda tau ngkatappa'ii to pangngajahna Petrus anna dijio'. Kerangngan omi budanna to tomatappa' joo allo agi-agi tallung sa'bu.

Jamanna Rasulu' 4:4

Apa ia to mangka mpesa'dingngi pangngajahna rasulu', budai to matappa'. Kerangngan pole'mi to tomatappa' namenjaji agi-agi limang sa'bu muane.

Roma 1:4

apa ianna kuasa kapuanganna, disangai Anak Allataala. Manassa to kuasan-Na, nasaba' tuo pole'mi jio mai kamatean.